კალენდარი

arrow ოქტომბერი 2017 arrow
ორშსამოთხხუთპარშაბკვი
      1
2345678
9101112131415
1617181920
21
22
23242526272829
3031     

კონფერენციები

კონფერენცია - „აკრედიტაციის განახლებული სტანდარტები და უმაღლესი განათლების ინტერნაციონალიზაცია'' - გაიმართა

25 სექტემბერი, 2017


22-23 სექტემბერს გუდაურში, განთლების ხარისხის განვითარების ეროვნული ცენტრისა და ათასწლეულის გამოწვევის ფონდის ორგანიზებით, ჩატარდა კონფერენცია „აკრედიტაციის განახლებული სტანდარტები და უმაღლესი განათლების ინტერნაციონალიზაცია".

კონფერენცია საქართველოს განათლებისა და მეცნიერების მინისტრმა ალექსანდრე ჯეჯელავამ გახსნა. ღონისძიების მიზანს წარმოადგენდა საქართველოში აკრედიტაციის სისტემაში მიმდინარე ცვლილებებთან დაკავშირებული საკითხების განხილვა და ამერიკისა და ევროპის აკრედიტაციის სააგენტოების წარმომადგენლების მიერ საერთაშორისო გამოცდილების გაზიარება.

კონფერენციას საერთაშორისო ექსპერტები და უმაღლესი საგანმანათლებლო დაწესებულებების წარმომადგენლები ესწრებოდნენ. კონფერენციის პირველი დღე დაეთმო აკრედიტაციის განახლებული სტანდარტების განხილვას. კონფერენციის ფარგლებში უმაღლესი საგანმანათლებლო დაწესებულებების წარმომადგენლები სამუშაო ჯგუფებში გადანაწილდნენ და აკრედიტაციის განახლებული სტანდარტები დეტალურად განიხილეს.

აკრედიტაციის განახლებული სტანდარტებთან დაკავშირებით ესტონეთის უმაღლესი და პროფესიული განათლების ხარისხის სააგენტოს საერთაშორისო თანამშრომლობის სამსახურის დირექტორმა, ევროპის საბჭოს ექსპერტმა მაიკ უდამმა წარმოადგინა პრეზენტაცია, რომელშიც განიხილა ESG 2015-თან აკრედიტაციის განახლებული სტანდარტების თავსებადობის საკითხები. ლიტვის მაგალითზე ხარისხის უზრუნველყოფის მოდელის ცვლილების საკითხი წარმოადგინა ლიტვის უმაღლესი განათლების შეფასების ცენტრის იურიდიული საკითხების სამსახურის უფროსმა, ევროპის საბჭოს ექსპერტმა იევა ვაიციუკევიჩიენემ.

ღონისძიებაში მონაწილეობას იღებდნენ ABET (Accreditation Board for Engineering and Technology) ფონდის მთავარი კონსულტანტი ჯო ტერნერი, სან დიეგოს სახელმწიფო უნივერსიტეტი - საქართველოს ABET-ის უფროსი ოფიცერი მაჯიდ ჰაშემიპური, სან დიეგოს სახელმწიფო უნივერსიტეტი - საქართველოს ვიცე-დეკანი ჰალილ გუვენი.

დღის წესრიგი

Agenda

How to Develop a Mechanism for Program’s Internal Quality Assurance
Halil Güven
Vice Dean of San Diego State University – Georgia

Changing the Quality Assurance Model: Example of Lithuania
Ieva Vaiciukevičienė
Lithuanian Centre for Quality Assessment in Higher Education (SKVC)

აკრედიტაციის განახლებული სტანდარტები
მაია გელაშვილი
განათლების ხარისხის განვითარების ეროვნული ცენტრის აკრედიტაციის სამმართველოს უფროსი

Outcomes-based Accreditation
Joe Turner
Professor Emeritus of Computer Science
Clemson University, USA

Student Outcomes Assessment
Joe Turner
Professor Emeritus of Computer Science
Clemson University, USA


მოგწონთ ახალი საიტი ?

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge