კალენდარი

arrow აგვისტო 2017 arrow
ორშსამოთხხუთპარშაბკვი
 123456
78910111213
141516171819
20
21222324252627
28293031   

სიახლეები

არაფორმალური განათლების აღიარების საკითხებზე ტრენინგები ჩატარდა

25 ოქტომბერი, 2016


18-19 ოქტომბერს გაეროს განვითარების პროგრამის, ათასწლეულის გამოწვევის ფონდისა და განათლების ხარისხის განვითარების ეროვნული ცენტრის თანამშრომლობით სასტუმრო „ციტრუსში“ ჩატარდა ტრენინგი არაფორმალური განათლების აღიარების პილოტირების შესახებ.

არაფორმალური განათლების აღიარება დაინტერესებულ პირებს შესაძლებლობას აძლევს მოახდინონ ფორმალური განათლებისგან დამოუკიდებლად, არაფორმალურ გარემოში მიღებული ცოდნის აღიარება და მიიღონ სრული პროფესიული კვალიფიკაცია ან დააგროვონ კრედიტები კვალიფიკაციის სამომავლოდ მისაღებად.

ტრენინგში მონაწილეობდნენ პროფესიული სასწავლებლების წარმომადგენლები, აღიარების კომისიის წევრები, მათ შორის, დამსაქმებელი ორგანიზაციების წარმომადგენლები და არაფორმალური განათლების აღიარების კონსულტანტები. მონაწილეები ტრენინგზე გაეცნენ არაფორმალური განათლების აღიარების მეთოდოლოგიას, რომელიც მომზადდა ათასწლეულის გამოწვევის ფონდის პროექტის ფარგლებში „პროფესიული განათლება ეკონომიკის განვითარებისთვის“. ამავე პროექტის ექსპერტებმა ტრენინგის მონაწილეებს დეტალურად გააცნეს ინფორმაცია აღიარების პროცედურებისა და ეტაპების შესახებ. 

არაფორმალური განათლების აღიარების პილოტირება შერჩეულ საგანმანათლებლო დაწესებულებებში წელს განხორციელდება და მოიცავს ორ სფეროს - სოფლის მეურნეობას (გაეროს განვითარების პროგრამის მხარდაჭერით) და ინფორმაციულ ტექნოლოგიებს (ათასწლეულის ფონდის მხარდაჭერით).

 

 

მოგწონთ ახალი საიტი ?

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge