კალენდარი

arrow ოქტომბერი 2017 arrow
ორშსამოთხხუთპარშაბკვი
      1
2345678
9101112131415
1617181920
21
22
23242526272829
3031     

სიახლეები

არაფორმალური განათლების აღიარების პილოტირებასთან დაკავშირებით კონსულტაციების მორიგი რაუნდი გაიმართა

10 ნოემბერი, 2016


2 ნოემბერს განათლებისა და მეცნიერების სამინისტროში გაიმართა სამუშაო შეხვედრა არაფორმალური განათლების აღიარების საკითხებთან დაკავშირებით. შეხვედრა მინისტრის მოადგილემ, ქეთევან ნატრიაშვილმა გახსნა. შეხვედრას ესწრებოდნენ აღიარების კომისიის წევრები და კონსულტანტები, ასევე, წარმომადგენლები იმ პროფესიული სასწავლებლებიდან, რომლებშიც პროგრამის პილოტირება მიმდინარეობს.

შეხვედრაზე წარმოადგინეს მაძიებლების დოკუმენტები და შედგენილი პორტფოლიოები, განიხილეს კონკრეტული შემთხვევები. შეხვედრის მონაწილეებმა მიიღეს კონსულტაციები არაფორმალური განათლების აღიარების მსურველი პირების შეფასების განსახორციელებელ პროცესთან და პორტფოლიოსთან დაკავშირებით.

არაფორმალური განათლების აღიარების პილოტირება შერჩეულ საგანმანათლებლო დაწესებულებებში წელს განხორციელდება და მოიცავს ორ სფეროს - სოფლის მეურნეობას (გაეროს განვითარების პროგრამის მხარდაჭერით) და ინფორმაციულ ტექნოლოგიებს (ათასწლეულის ფონდის მხარდაჭერით).

არაფორმალური განათლების აღიარება დაინტერესებულ პირებს შესაძლებლობას აძლევს მოახდინონ ფორმალური განათლებისგან დამოუკიდებლად, არაფორმალურ გარემოში მიღებული ცოდნის აღიარება და მიიღონ სრული პროფესიული კვალიფიკაცია ან დააგროვონ კრედიტები კვალიფიკაციის სამომავლოდ მისაღებად.

მოგწონთ ახალი საიტი ?

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge