კალენდარი

arrow აგვისტო 2017 arrow
ორშსამოთხხუთპარშაბკვი
 123456
78910111213
141516
17
181920
21222324252627
28293031   

სიახლეები

შეხვედრა საგანმანათლებლო პროგრამების აკრედიტაციის ექსპერტებთან

16 მარტი, 2017


უმაღლეს საგანმანათლებლო დაწესებულებებში განათლების ხარისხის გაუმჯობესებისა და სტუდენტზე ორიენტირებული საგანმანათლებლო გარემოს უზრუნველყოფის მიზნით, განათლების ხარისხის განვითარების ეროვნულ ცენტრში მიმდინარეობს მუშაობა უმაღლესი განათლების ხარისხის უზრუნველყოფის მექანიზმების სისტემურ ცვლილებებზე. ამასთან, ცვლილებების მიზანია საქართველოს უმაღლესი განათლების ხარისხის უზრუნველყოფის სისტემის ჰარმონიზაცია ევროპულ სტანდარტებთან და სახელმძღვანელო პრინციპებთან (ESG 2015).

ხარისხის უზრუნველყოფის სისტემის მნიშვნელოვან ცვლილებას წარმოადგენს უმაღლესი საგანმანათლებლო პროგრამების შეფასების პროცესის თვისებრივი გაუმჯობესება.
აღსანიშნავია, რომ შეფასების პროცესში, ექსპერტებთან ერთად პირველად ჩაერთვებიან დამსაქმებლები და სტუდენტები. მაღალკვალიფიციური ექსპერტების შესარჩევად ცენტრი გამოაცხადებს ექსპერტთა შესარჩევ კონკურსს, რომლის საფუძველზეც მოხდება საგანმანათლებლო პროგრამების აკრედიტაციის ექსპერტთა კორპუსის ფორმირება. აღნიშნული ცვლილება უზრუნველყოფს საგანმანათლებლო პროგამის მრავალმხრივ, გამჭვირვალე და სრულფასოვან შეფასებას.

კონკურსის საფუძველზე შერჩეული ექსპერტები გაივლიან შესაბამის მომზადებას.

წელს პირველად აკრედიტაციის პროცესში ჩაერთვებიან საერთაშორისო ექსპერტები, რომლებიც ქართველ ექსპერტებთან ერთად, პირველ ეტაპზე, შეაფსებენ ინგლისურენოვან პროგრამებს. ასევე, შეაფასებენ მოქმედ რეგულირებად პროფესიებს (სამართალი, მედიცინა) და წარმოადგენენ რეკომენდაციებს, რომელიც ხელმისაწვდომი იქნება ყველა დაინტერესებული პირისათვის

მოგწონთ ახალი საიტი ?

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge