კალენდარი

arrow ნოემბერი 2018 arrow
ორშსამოთხხუთპარშაბკვი
   1234
567891011
1213
14
15161718
19202122232425
2627282930  
  • BFUG
  • ENQA
  • EUA
  • EFQM
  • WORLDSKILLS

WORLDSKILL GEORGIA

WorldSkills Georgia-ს სამუშაო შეხვედრა გაიმართა

13 ნოემბერი, 2013


საქართველოს განათლებისა და მეცნიერების სამინისტროს, განათლების ხარისხის განვითარების ეროვნული ცენტრისა და გერმანიის საერთაშორისო თანამშრომლობის საზოგადოების (GIZ) ორგანიზებით„ქორთიარდ მარიოტში“ WorldSkills Georgia-ს სამუშაო შეხვედრა გაიმართა. შეხვედრას განათლებისა და მეცნიერების მინისტრის პირველი მოადგილე ქეთევან ნატრიაშვილი, განათლების ხარისხის განვითარების ეროვნული ცენტრის დირექტორი ელენე ჯიბლაძე, GIZ-ის პროფესიული განათლების პედაგოგთა და ლიდერთა გადამზადების პროგრამის ხელმძღვანელი სამხრეთ კავკასიაში მიქაელა ოპერმან-გარტნერი, პროფესიული კავშირების გაერთიანების, დამსაქმებელთა ასოციაციისა და სავაჭრო-სამრეწველო პალატის პრეზიდენტები და კერძო სექტორის წარმომადგენლები ესწრებოდნენ.

წელს, ზაფხულში, გერმანიის ქალაქ ლაიფციგში გამართულ WorldSkills International-ის პროფესიული უნარების რიგით 42-ე კონკურსში საქართველო პირველად მონაწილეობდა ასოცირებული წევრის სტატუსით. WorldSkills Georgia-ს გუნდის წევრებმა შეხვედრაზე მიღებული შთაბეჭდილებებისა და გამოცდილების შესახებ ისაუბრეს.

კონკურსზე საქართველოს სახელით ასპარეზობდნენ ვებდიზაინერი უჩა ღვინიაშვილი, შემდუღებელი ევგენი მოროზოვი და მზარეული თინათინ იორდანიშვილი. აღსანიშნავია, რომ ქართველმა ვებდიზაინერმა უჩა ღვინიაშვილმა წარმატებული ასპარეზობისთვის 2 მედალი დაიმსახურა. იგი გახდა ჩვენი ქვეყნის საუკეთესო მოასპარეზე. კონკურსის დახურვის გრანდიოზულ ცერემონიაზე მან მიიღო მედალი Best of Nations და დაჯილდოვდა წარმატების მედლით-Medallion of Excellence.

GIZ-ის წარმომადგენლებმა ისაუბრეს პროფესიული განათლების განვითარებაში გერმანიის საერთაშორისო თანამშრომლობის მიერ გაწეულ წვლილზე. GIZ-ის ექსპერტმა და WorldSkills Germany-ს სტრატეგიული სამსახურის ხელმძღვანელმა დენი გაუხმა შეკრებილ საზოგადოებას WorldSkills-ის სხვა წევრი ქვეყნების სხვა ქვეყნების გამოცდილება გაუზიარა და სამომავლო გეგმებზე ისაუბრა.

შეხვედრაზე GIZ-ის მხარდაჭერით მომზადებული პროფესიული განათლების პოპულარიზაციის მიზნით შექმნილი კლიპების პრეზენტაციაც გაიმართა.

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge