კალენდარი

arrow სექტემბერი 2020 arrow
ორშსამოთხხუთპარშაბკვი
 123456
78910111213
14151617
18
1920
21222324252627
282930    

პროფესიულ კვალიფიკაციათა ხელშეწყობის პროგრამა

სასურსათო უსაფრთხოებასთან დაკავშირებულ საკითხებზე სემინარი გაიმართა

22 აპრილი, 2015


21 აპრილს გერმანიის საერთაშორისო თანამშრომლობის ორგანიზაციისა (GIZ) და განათლების ხარისხის განვითარების ეროვნული ცენტრის კვალიფიკაციათა განვითარების ხელშეწყობის პროგრამის ინიციატივით სასურსათო უსაფრთხოებისა და ქიმიური ლაბორატორიების ფუნქციონირებასთან დაკავშირებული პროფესიული კვალიფიკაციების საკითხებში სემინარი გაიმართა.

საქართველოს ტექნიკური უნივერსიტეტის წარმომადგენელმა ნანი კუციავამ, თბილისის ივანე ჯავახიშვილის სახელობის სახელმწიფო უნივერსიტეტის წარმომადგენელმა, პროგრამის ფასილიტატორმა ხათუნა კახიანმა და საზოგადოებრივ კოლეჯ „სპექტრის“ წარმომადგენელმა ქეთევან ხომერიკმა აღნიშნული კვალიფიკაციების მქონე სპეციალისტთა მომზადების კუთხით არსებული მდგომარეობის შესახებ გააკეთეს პრეზენტაციები.
დარგის გერმანელმა ექსპერტმა, დოქტორმა თომას კნეპერმა წარმოადგინა პრეზენტაცია სფეროში არსებული აკადემიური და პროფესიული კვალიფიკაციების და კურიკულუმების სტრუქტურის შესახებ.

პროფესიულ კვალიფიკაციათა განვითარების ხელშეწყობის პროგრამის მენეჯერმა კახაბერ ერაძემ გერმანულ მხარეს მომავალში თანამშრომლობა სთხოვა ლაბორატორიების სფეროში პროფესიულ კვალიფიკაციათა იდენტიფიცირების, პროფესიული სტანდარტების და პროგრამების მომზადების და მათი ვალიდაციის საკითხებში.

სემინარს სახელმწიფო უწყებების, მოქმედი ლაბორატორიების, უმაღლესი და პროფესიული საგანმანათლებლო დაწესებულებების 50-ზე მეტი ქართველი, აზერბაიჯანელი და სომეხი სპეციალისტი ესწრებოდა.

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge