კალენდარი

arrow სექტემბერი 2020 arrow
ორშსამოთხხუთპარშაბკვი
 123456
78910111213
14151617181920
21222324252627
28
29
30    

პროფესიულ კვალიფიკაციათა ხელშეწყობის პროგრამა

კერძო საგანმანათლებლო დაწესებულებებში დასრულებული მოდულების პილოტირების შედეგების განხილვა

13 მაისი, 2015


11 მაისს პროფესიულ კვალიფიკაციათა განვითარების ხელშეწყობის პროგრამის პერსონალმა და ფასილიტატორთა ჯგუფმა კერძო საგანმანათლებლო დაწესებულებებში დასრულებული მოდულების პილოტირების შედეგები განხილეს.

ხუთმა კერძო საგანმანათლებლო დაწესებულებამ, მათ შორის ერთმა ზოგადსაგანმანათლებლო, ერთმა უმაღლესმა საგანმანათლებლო დაწესებულებამ და სამმა საზოგადოებრივმა კოლეჯმა მიმდინარე წელს დაასრულა 2014 წელს დაწყებული პილოტირების პროცესი.

საჯარო დაწესებულებებში პილოტირების პროცესი საქართველოს განათლებისა და კვალიფიციური კადრების მომზადების მუშაკთა და სტუდენტთა პროფესიული კავშირის (თავმჯდომარე - დანიელ დავითაშვილი) სასამართლო საჩივრის საფუძველზე შეჩერდა, რამაც ხელი შეუშალა პროფესიული განათლების რეფორმის სტრატეგიის განხორციელებას. თუმცა, მიმდინარე წელს სააპელაციო სასამართლომ აღნიშნული საჩივარი უსაფუძვლოდ ცნო.

მიუხედავად ამისა, კერძო საგანმანათლებლო დაწესებულებებმა განახორციელეს და დაასრულეს მოდულების პილოტირების პროცესი და ანგარიშები განათლების ხარისხის განვითარების ეროვნულ ცენტრს წარუდგინეს, რაზეც კერძო კოლეჯების ასოციაციის წარმომადგენელმა ნინო გომელაურმა გააკეთა პრეზენტაცია. როგორც პილოტირების მონიტორინგის შედეგებიდან ირკვევა, სტუდენტთა და მასწავლებელთა უმეტესობა მიიჩნევს, რომ სწავლის შედეგების მიღწევა მოდულური მიდგომით უფრო საინტერესო და ეფექტურია, ვიდრე საგნობრივი სწავლებით და პილოტირების პროცესში არსებითი ხასიათის პრობლემებს ადგილი არ ჰქონია. გაეროს განვითარების პროგრამის ფარგლებში შექმნილი მოდულური პროგრამების, ასევე კერძო კოლეჯებში დასრულებული მოდულების პილოტირების შედეგები იძლევა საფუძველს ვივარაუდოთ, რომ დანერგვის პროცესი წარმატებით განხორციელდება.

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge