კალენდარი

arrow აპრილი 2020 arrow
ორშსამოთხხუთპარშაბკვი
  12345
678
9
101112
13141516171819
20212223242526
27282930   

სიახლეები

ეროვნული შეფასების მიმდინარეობას მინისტრის პირველი მოადგილე დაესწრო

11 ივნისი, 2012

საქართველოს განათლებისა და მეცნიერების მინისტრის პირველი მოადგილე, კოკა სეფერთელაძე №9 საჯარო სკოლაში ქართულ ენასა და მათემატიკაში მეოთხეკლასელთა ეროვნული შეფასების მიმდინარეობას დაესწრო.

ეროვნული შეფასება განათლების ხარისხის განვითარების ეროვნული ცენტრის ორგანიზებით ტარდება. მასში მონაწილეობდა 109 საჯარო სკოლა, 2 300 მეოთხეკლასელი, მათი მშობლები, 200 პედაგოგი და სკოლების დირექტორები.

ჩატარებული ეროვნული შეფასება მიზნად ისახავს, დაადგინოს, როგორია მეოთხეკლასელ მოსწავლეთა აკადემიური მიღწევის დონე ქართულ ენასა (კითხვა) და მათემატიკაში (რაოდენობრივი მსჯელობა) და რამდენად აღწევენ ისინი ეროვნული სასწავლო გეგმით გათვალისწინებულ შედეგებს.

სკოლები შეირჩა მთელი საქართველოს მასშტაბით, შემთხვევითობის პრინციპით. მოსწავლეებმა შეასრულეს საგნობრივი სტანდარტისა და სასკოლო სახელმძღვანელოების გათვალისწინებით შედგენილი ტესტური დავალებები და  შეავსეს კითხვარები, რომელშიც გამოხატეს თავიანთი დამოკიდებულება კითხვის, მშობლიური ენისა და მათემატიკის შესწავლის მიმართ. სპეციალური კითხვარები შეავსეს ასევე სკოლის დირექტორებმა, მასწავლებლებმა და შეფასებაში მონაწილე მოსწავლეების მშობლებმა, რაც საშუალებას იძლევა, გამოიკვეთოს სწავლა-სწავლების პროცესის სრული სურათი, ასევე ის, თუ რა ფაქტორები ახდენს გავლენას მოსწავლეთა აკადემიურ მოსწრებაზე.

← სიაში დაბრუნება

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge