კალენდარი

arrow მაისი 2018 arrow
ორშსამოთხხუთპარშაბკვი
 123456
78910111213
14151617181920
21222324252627
293031   
  • BFUG
  • ENQA
  • EUA
  • EFQM
  • WORLDSKILLS

სიახლეები

საორიენტაციო და მოსამზადებელი კურსების სწავლების მეთოდოლოგია განიხილეს

16 ნოემბერი, 2016


14 ნოემბერს საქართველოს განათლებისა და მეცნიერების სამინისტროში გაიმართა მორიგი სამუშაო შეხვედრა, რომელზეც სკოლის მოსწავლეებისათვის საორიენტაციო და მოსამზადებელი კურსების სწავლების მეთოდოლოგია განიხილებოდა. შეხვედრას ესწრებოდნენ განათლების სამინისტროს, განათლების ხარისხის განვითარების ეროვნული ცენტრის და პროფესიულ საგანმანათლებლო დაწესებულებათა წარმომადგენლები. მხარეებმა პროფესიული ორიენტაციის სპეციალისტებთან ერთად იმსჯელეს 4 ადაპტირებული მოდულის (ხილ-ბოსტნეულის გადამუშავება, ცხოველების მოვლა, მებაღეობა და სანტექნიკური სამუშაოების წარმოება) მასწავლებლებისთვის შემუშავებული გზამკვლევის შესახებ. აღნიშნული გზამკვლევი მასწავლებლებს კურსის წარმართვაში დაეხმარება.

განათლების ხარისხის განვითარების ეროვნული ცენტრი გაეროს განვითარების პროგრამის მხარდაჭერით ახორციელებს პროექტს, რომლის ფარგლებშიც იგეგმება სკოლის მოსწავლეებისათვის საორიენტაციო და მოსამზადებელი კურსების შეთავაზება სკოლებისა და კოლეჯების ურთიერთთანამშრომლობით. ზოგადი განათლების საბაზო და საშუალო საფეხურის მოსწავლეებისათვის, სკოლაში სწავლის პარალელურად, ხელმისაწვდომი იქნება მათთვის საინტერესო პრაქტიკული პროფესიული კურსები.

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge