კალენდარი

arrow მაისი 2018 arrow
ორშსამოთხხუთპარშაბკვი
 123456
78910111213
14151617181920
21222324252627
28
293031   
  • BFUG
  • ENQA
  • EUA
  • EFQM
  • WORLDSKILLS

სიახლეები

მასწავლებლის მომზადების უმაღლესი განათლების ახალ დარგობრივ მახასიათებელზე მუშაობა გრძელდება

21 ნოემბერი, 2017


17 ნოემბერს განათლების ხარისხის განვითარების ეროვნულ ცენტრში განათლების მიმართულების უმაღლესი განათლების დარგობრივი საბჭოს მასწავლებლის მომზადების უმაღლესი განათლების დარგობრივ მახასიათებელზე მომუშავე ჯგუფების შეხვედრები გაიმართა. საბჭოს გადაწყვეტილებით, მასწავლებლის მომზადების უმაღლესი განათლების დარგობრივი მახასიათებლის შემმუშავებელი ჯგუფები დაკომპლექტდა შემდეგი მიმართულებით: მასწავლებლის ზოგად კომპეტენციებზე მომუშავე ჯგუფი; დაწყებითი განათლების კომპეტენციებზე მომუშავე ჯგუფი; საგნობრივი სწავლების კომპეტენციებზე მომუშავე ჯგუფი; ინკლუზიური განათლების კომპეტენციებზე მომუშავე ჯგუფი.

სამუშაო ჯგუფები დაკომპლექტებულია უმაღლესი საგანმანათლებლო დაწესებულებების, სამეცნიერო-კვლევითი ინსტიტუტების, საქართველოს განათლებისა და მეცნიერების სამინისტროს, მასწავლებელთა პროფესიული განვითარების ეროვნული ცენტრის, შოთა რუსთაველის ეროვნული სამეცნიერო ფონდის, კერძო სკოლების ასოციაციის მიერ რეკომენდებული დარგის მაღალკვალიფიციური სპეციალისტებით.

მასწავლებლის მომზადების უმაღლესი განათლების დარგობრივი მახასიათებლის შემუშავების საკითხის აქტუალობის გათვალისწინებით, აგრეთვე, შემუშავება-განხილვის პროცესში დაინტერესებულ მხარეთა ფართო ჩართულობის ხელშეწყობის მიზნით, ინფორმაცია სამუშაო ჯგუფების მუშაობის თაობაზე პერიოდულად აიტვირთება ცენტრის ვებგვერდზე. აღნიშნული გარემოება შესაძლებლობას მისცემს ყველა დაინტერესებულ პირს, მისი კომპეტენციის ფარგლებში და, სურვილისამებრ, მონაწილეობა მიიღოს ნებისმიერი ზემოთ დასახელებული სამუშაო ჯგუფის შეხვედრასა ან/და შექმნილი პროდუქტის საჯარო განხილვაში და საკუთარი წვლილი შეიტანოს დარგობრივი მახასიათებლის შემუშავება-განხილვის პროცესში.

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge