კალენდარი

arrow დეკემბერი 2018 arrow
ორშსამოთხხუთპარშაბკვი
     12
3456789
10111213141516
171920212223
24252627282930
31      
  • BFUG
  • ENQA
  • EUA
  • EFQM
  • WORLDSKILLS

სიახლეები

ევროპის უმაღლესი განათლების სივრცის მინისტერიალი

28 მაისი, 2018

24-25 მაისს პარიზში ჩატარდა ევროპის უმაღლესი განათლების სივრცის (EHEA) განათლების მინისტრთა კონფერენცია. კონფერენციაში მონაწილეობდა ევროპის უმაღლესი განათლების სივრცის 48 ქვეყნისა და აზიისა და აფრიკის რიგი ქვეყნების დელეგაციები.
საქართველოს, როგორც ევროპის უმაღლესი განათლების სივრცის წევრი ქვეყნის, დელეგაციას ხელმძღვანელობდა საქართველოს განათლებისა და მეცნიერების მინისტრი მიხეილ ჩხენკელი. დელეგაციის შემადგენლობაში იყვნენ: განათლების ხარისხის განვითარების ეროვნული ცენტრის დირექტორი -  თამარ სანიკიძე, ცენტრის საერთაშორისო ურთიერთობების სამმართველოს უფროსი -  მაია მარგველაშვილი, თბილისის ივ. ჯავახიშვილის სახელობის სახელმწიფო უნივერსიტეტის რექტორი - გიორგი შარვაშიძე, თბილისის ივ. ჯავახიშვილის სახელობის სახელმწიფო უნივერსიტეტის დოქტორანტი - მაკა გველესიანი.
მინისტერიალზე შეჯამდა ევროპის უმაღლესი განათლების სივრცის დაარსებიდან დღემდე გავლილი გზა, ბოლონიის რეფორმების მსვლელობაში არსებული მიღწევები, დაისახა პროგრამა 2018-2020 წლებისათვის და მისი შესაბამისი სამოქმედო გეგმა. მინისტრთა კონფერენციამ ერთხმად მიიღო „პარიზის კომუნიკე“.
ევროპის უმაღლესი განათლების სივრცის მინისტრთა შემდეგი კონფერენცია ჩატარდება 2020 წელს იტალიაში.

იხილეთ პარიზის კომუნიკე  

 

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge