კალენდარი

arrow სექტემბერი 2019 arrow
ორშსამოთხხუთპარშაბკვი
      1
2345678
9101112131415
161719202122
23242526272829
30      

სიახლეები

შპს ქართულ-ევროპული უმაღლესი სასწავლებლის სტუდენტთა საყურადღებოდ!

14 მარტი, 2019



უმაღლეს საგანმანათლებლო დაწესებულებათა საბჭოს 4 მარტის გადაწყვეტილებით შპს ქართულ-ევროპულ უმაღლეს სასწავლებელს გააუქმდა ავტორიზაცია (იხ. საბჭოს ოქმი და გადაწყვეტილება).


ზემოაღნიშნული საგანმანათლებლო დაწესებულების აკადემიურ პროგრამაზე ჩარიცხული სტუდენტებისთვის რიგგარეშე მობილობა დაიწყება მიმდინარე წლის 22 მარტს.

სტუდენტთა რიგგარეშე მობილობის პროცესის ადმინისტრირებას ახორციელებს საჯარო სამართლის იურიდიული პირი – განათლების ხარისხის განვითარების ეროვნული ცენტრი. (იხ. ბრძანება N191/ი)

ცენტრის ვებ-გვერდზე 22 მარტიდან 27 მარტის ჩათვლით ეტაპობრივად გამოქვეყნდება უმაღლესი საგანმანათლებლო დაწესებულებების მიერ წარმოდგენილი ვაკანტური ადგილები.

სტუდენტებმა განცხადებით უნდა მიმართონ სასურველ მიმღებ უმაღლეს საგანმანათლებლო დაწესებულებას მობილობის თაობაზე და წარუდგინონ პირადი საქმის ასლები - 2019 წლის 28 მარტიდან 4 აპრილის ჩათვლით.



რიგგარეშე მობილობასთან დაკავშირებით კონსულტაციის მისაღებად, შეგიძლიათ მობრძანდეთ განათლების ხარისხის განვითარების ეროვნულ ცენტრში 22 მარტიდან 4 აპრილის ჩათვლით, 9:00-18:00 საათამდე, (მის.: ქ. თბილისი, მ. ალექსიძის ქ. №1), დაგვიკავშირდეთ ცენტრის ცხელ ხაზზე: (+995 32) 2200 220,ან მოგვწეროთ ელექტრონულ მისამართზე: mobility@eqe.ge  

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge