კალენდარი

arrow ოქტომბერი 2019 arrow
ორშსამოთხხუთპარშაბკვი
 123456
78910111213
141516171819
20
21222324252627
28293031   

სიახლეები

ევროპულ-ქართული სამხედრო, პოლიტიკური და სამოქალაქო ურთიერთობების ასპექტები

13 ივნისი, 2019

12 ივნისს, განათლების ხარისხის განვითარების ეროვნული ცენტრის დირექტორმა გიორგი ვაშაკიძემ მონაწილეობა მიიღო ეროვნული თავდაცვის აკადემიაში გამართულ კონფერენციაში -,,ევროპულ-ქართული სამხედრო, პოლიტიკური და სამოქალაქო ურთიერთობების ასპექტები'', რომელზეც ისაუბრა უსაფრთხოების და ევრო-ატლანტიკურ სტრუქტურებში საქართველოს ინტეგრაციის საკითხზე, კვლევებისა და სამეცნიერო დისკუსიის გაძლიერების აუცილებლობაზე.

კონფერენციაში ასევე მონაწილეობდნენ: საქართველოს თავდაცვის სამინისტროს, შოთა რუსთაველის ეროვნული სამეცნიერო ფონდის, ი. ჯავახიშვილის სახელობის თბილისის სახელმწიფო უნივერსიტეტის, საქართველოს ტექნიკური უნივერსიტეტის, საქართველოს საზოგადოებრივ საქმეთა ინსტიტუტის, შავი ზღვის საერთაშორისო უნივერსიტეტისა და სხვა საგანმანათლებლო დაწესებულებების წარმომადგენლები.

კონფერენციაზე წარმოდგენილი იყო საინტერესო ნაშრომები: ,,ძირითდი გამოწვევები და პერსპექტივები საქართველოს ევროპულ სტრუქტურებში ინტეგრაციის გზაზე’’, ,,ქართული იდენტობის ფორმირების პროცესი და ევროპის ნორმატიული ძალა’’ , ,,სამხრეთ კავკასიის ქვეყნების განსხვავებული ორიენტაცია’’ და სხვა.

კონფერენციის ფარგლებში გამოიცა სამეცნიერო ნაშრომთა კრებული. მსგავსი სახის კონფერენციები მონაწილეებს საშუალებას აძლევს ერთმანეთს გაუზიარონ ინფორმაცია, იმსჯელონ ქვეყანაში და მის ფარგლებს გარეთ მიმდინარე აქტუალურ პროცესებთან დაკავშირებით.

კონფერენციის დასრულების შემდეგ მონაწილეებს გადაეცათ სერტიფიკატები.

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge