კალენდარი

arrow აგვისტო 2020 arrow
ორშსამოთხხუთპარშაბკვი
     12
3456789
10
111213141516
17181920212223
24252627282930
31      

სიახლეები

პროფესიული განათლების დარგის ექსპერტთა ტრენინგები დაიწყო

7 ივლისი, 2020

განათლების ხარისხის განვითარების ეროვნულმა ცენტრმა, გაეროს განვითარების პროგრამის მხარდაჭერით, პროფესიული განათლების ხარისხის უზრუნველყოფის დარგის ექსპერტთა ტრენინგების ციკლი დაიწყო.

ცენტრის დირექტორის, თამარ მახარაშვილის, განცხადებით - „ავტორიზაციის ექსპერტთა უწყვეტი პროფესიული განვითარების სისტემის დანერგვა ავტორიზაციის ახალი სტანდარტებისა და პროცედურების ძალაში შესვლის შემდეგ პროფესიული განათლების ხარისხის უზრუნველყოფის სისტემის რეფორმის მნიშვნელოვან ეტაპს წარმოადგენს. კანონმდებლობა პროფესიულ საგანმანათლებლო პროგრამებსა და მოკლევადიან მომზადება-გადამზადებას ფორმალური განათლების ნაწილად განიხილავს, ამიტომაც მათი ხარისხის უზრუნველყოფის მიმართ ვერ გვექნება განსახვავებული მიდგომები. დარგის ექსპერტების როლი ამ საქმეში უმნიშვნელოვანესია. ისინი უნდა იყვნენ მზად როგორც გრძელვადიანი, ისე მოკლევადიანი პროგრამების შეფასებისათვის“.

ორდღიანი ტრენინგის პროგრამა შეეხება პროფესიული საგანმანათლებლო დაწესებულებების ავტორიზაციის მეორე სტანდარტს/პროცედურებს (საგანმანათლებლო პროგრამები) და პროფესიული მომზადების/პროფესიული გადამზადების პროგრამებისთვის მთვარობის დადგენილებით განსაზღვრულ სტანდარტებსა და პროცედურებს.

დარგის ექსპერტთა ტრენინგები 15 ივლისამდე გაგრძელდება.

განათლების ხარისხის განვითარების ეროვნული ცენტრი, ახალი კორონავირუსის COVID-19 გავრცელების პრევენციის მიზნით, სამუშაო შეხვედრებს ონლაინრეჟიმში აგრძელებს.

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge