კალენდარი

arrow სექტემბერი 2020 arrow
ორშსამოთხხუთპარშაბკვი
 123456
78910111213
14151617181920
21222324252627
2930    

სიახლეები

პროფესიული განათლების სივრცეში პროგრამების სპექტრი და ადგილების რაოდენობა მნიშვნელოვნად გაიზარდა

5 აგვისტო, 2020
განათლების ხარისხის განვითარების ეროვნულ ცენტრის პროფესიული განათლების ხარისხის უზრუნველყოფის სამსახურმა მიმდინარე წლის ივნისი - აგვისტოს პერიოდში პროფესიული საგანმანათლებლო დაწესებულებების მიერ პროფესიული საგანმანათლებლო პროგრამების დამატებასთან, პროფესიულ სტუდენტთა ადგილების რაოდენობის გაზრდასა და საშუალო პროფესიულ საგანმანათლებლო პროგრამაში ზოგადი განათლების საშუალო საფეხურის სწავლის შედეგების ინტეგრირებასთან დაკავშირებით 126 ადმინისტრაციული წარმოება განახორციელა.
ადმინისტრაციული წარმოებების ფარგლებში 123 საკითხზე დადებითი გადაწყვეტილება იქნა მიღებული, რის შედეგადაც ოც საჯარო და კერძო საგანმანათლებლო დაწესებულებაში 2020 წლის საშემოდგომო მიღებისთვის პროფესიულ სტუდენტთა 4388 დამატებითი ადგილი გაჩნდა. მათ შორის 857 ადგილი ისეთი პროგრამებისათვის, რომლებშიც ინტეგრირებულია ზოგადი განათლების საშუალო საფეხურის სწავლის შედეგები.
დამატებული პროგრამების სპექტრი მოიცავს სამშენებლო, ტურიზმის, სამედიცინო, ინფორმაციული ტექნოლოგიების, ლოგისტიკის, სკოლამდელი განათლების, გამოყენებითი ხელოვნების, ტრანსპორტის მომსახურების მიმართულებებს. პროფესიული განათლების მიღებით დაინტერესებულ ახალგაზრდებს ფართო არჩევანის გაკეთების საშუალება ეძლევათ საქართველოს ყველა რეგიონში.
„პროფესიულმა განათლებამ განსაკუთრებული როლი უნდა იტვირთოს პოსტპანდემიური პერიოდის ეკონომიკის გაჯანსაღების პროცესში. ამიტომაც სისტემამ განათლების მიღების მსურველთათვის მეტი შესაძლებლობა უნდა გააჩინოს. ცენტრმა უმოკლეს ვადებში მაღალი სტანდარტით მუშაობის კარგი მაგალითი აჩვენა, რითაც, თავის მხრივ, ხელი შეუწყო პროფესიული განათლების ეროვნული მიზნების რეალიზებას. პროფესიული განათლების ხარისხის უზრუნველყოფის სამსახურმა, ექსპერტთა კორპუსმა და ავტორიზაციის საბჭომ ტიტანური შრომა გასწია ავტორიზაციის ახალი სტანდარტების პირობებში, რაც თავის მხრივ დამატებითი გამოწვევა იყო და რისთვისაც ყველას გულწრფელად ვუხდი მადლობას. ამ პროცესში ფასდაუდებელია გაეროს განვითარების პროგრამის მიერ გაწეული დახმარება როგორც კოლეჯების, ისე ექსპერტთა კორპუსის და საბჭოს შესაძლებლობების განვითარების მიმართულებით“- განაცხადა ცენტრის დირექტორის მოადგილემ კახაბერ ერაძემ.
  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge