კალენდარი

arrow სექტემბერი 2020 arrow
ორშსამოთხხუთპარშაბკვი
 123456
78910111213
14151617181920
2122232425
26
27
282930    

სიახლეები

ტორინოს პროცესის რეგიონული კონფერენცია

3 დეკემბერი, 2014

საქართველოს განათლებისა და მეცნიერების სამინისტროსა და ხარისხის განვითარების ეროვნული ცენტრის ორგანიზებით, თბილისში 3 და 4 დეკემბერს ჩატარდება ტორინოს პროცესის აღმოსავლეთ პარტნიორობის შემაჯამებელი რეგიონული კონფერენცია, რომელიც განათლების ევროპული ფონდის (ETF) და ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის მხარდაჭერით იმართება.
 
კონფერენციაზე წარმოდგენილი იქნება აღმოსავლეთ პარტნიორობის ქვეყნებში ტორინოს პროცესის ფარგლებში დანერგილი პროფესიული განათლების სისტემების ანალიზი. მონაწილეები ბოლო ორი წლის განმავლობაში პროფესიული განათლების სფეროში მიღწეული დადებითი ცვლილებების საერთო და განსხვავებულ მახასიათებლებს მიმოიხილავენ. ასევე, განიხილება აღმოსავლეთ პარტნიორობის ქვეყნების პრობლემების, პრიორიტეტების და რეგიონული თანამშრომლობის პოტენციური მიმართულებები.
 
კონფერენციას 6 პარტნიორი ქვეყნის, ასევე, ევროკომისიის, განათლების ევროპული ფონდისა (ETF) და პროფესიული მომზადების განვითარების ევროპული ცენტრის (CEDEFOP) 60-მდე დელეგატი დაესწრება. მათ შორის, განათლებისა და ჯანდაცვის სამინისტროების, სტატისტიკის ეროვნული კომიტეტების, სხვა სახელმწიფო უწყებების, პროფესიული სასწავლებლების, სოციალური პარტნიორების წარმომადგენლები და სფეროს ექსპერტები.

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge