კალენდარი

arrow ნოემბერი 2018 arrow
ორშსამოთხხუთპარშაბკვი
   1234
567891011
121314161718
19202122232425
2627282930  
  • BFUG
  • ENQA
  • EUA
  • EFQM
  • WORLDSKILLS

უმაღლესი განათლების ხარისხის უზრუნველყოფის ევროპული ქსელი (ENQA)

განათლების ხარისხის განვითარების ეროვნული ცენტრი უმაღლესი განათლების ხარისხის უზრუნველყოფის ევროპული ქსელის (ENQA) აფილირებული ორგანიზაცია.

ცენტრმა 2018 წლის თებერვალში ოფიციალურად განაცხადა ENQA-ში გაწევრიანების სურვილი, ხოლო 21 აგვისტოს წარადგინა ENQA-ში თვითშეფასების ანგარიში. res/docs/SAR_NCEQE_ENQA_Review.pdf

საქართველო, როგორც ბოლონიის პროცესის მონაწილე ქვეყანა 2005 წლიდან,  მუდმივად ნერგავს სიახლეებს განათლების სისტემაში, რითაც სულ უფრო მეტად იმსახურებს ევროპის უმაღლესი განათლების სივრცეში ნდობას. თავის მხრივ, განათლების ხარისხის განვითარების ეროვნული ცენტრი, რომელიც პასუხისმგებელია ქვეყანაში განათლების ხარისხის ამაღლებაზე, მიზნად ისახავს განათლების სფეროში მომუშავე საერთაშორისო ინსტიტუტებთან მჭიდრო თანამშრომლობასა და საერთაშორისო საგანმანათლებლო ქსელში ჩართვას.
 
2013 წლის 22 ნოემბერს განათლების ხარისხის განვითარების ეროვნულმა ცენტრმა მიიღო ოფიციალური შეტყობინება, რომ მას უმაღლესი განათლების ხარისხის უზრუნველყოფის ევროპული ასოციაციის (ENQA) (European Association for Quality Assurance in Higher Education) აფილირებული ორგანიზაციის სტატუსი მიენიჭა.
 
ENQA-ში გაერთიანებულია ევროპისა და არა მხოლოდ ევროპის 90-მდე ხარისხის უზრუნველყოფის სააგენტო თუ საჯარო სტრუქტურა. ENQA წევრ ორგანიზაციებს უზიარებს ინფორმაციას, გამოცდილებასა და საუკეთესო მაგალითებს უმაღლეს საგანმანათლებლო დაწესებულებების ხარისხის უზრუნველყოფის საკითხებთან დაკავშირებით. ასოციაციის მიზანია უმაღლესი განათლების სფეროში ევროპული თანამშრომლობის გაძლიერება. იგი ხარისხის უზრუნველყოფის განვითარების მთავარი მამოძრავებელი ძალაა ევროპაში. ასოციაციას მნიშვნელოვანი წვლილი შეაქვს ევროპის უმაღლესი განათლების ხარისხის შენარჩუნებისა და ამაღლების პროცესში და ვრცელდება ბოლონიის პროცესის  ხელმომწერი ქვეყნების მასშტაბით.

ENQA-ს აფილირებული ორგანიზაციის სტატუსი მნიშვნელოვანი, კიდევ ერთი წინ გადადგმული ნაბიჯია ევროპის ერთიან უმაღლეს საგანმანათლებლო სივრცეში ინტეგრირებისთვის. ამ სტატუსით ევროპაში იზრდება ცენტრის ცნობადობა და მისი ნდობის მაჩვენებელი.

 

უმაღლესი განათლების ევროპული სივრცის ხარისხის უზრუნველყოფის სტანდარტები და სახელმძღვანელო პრინციპები  

www.enqa.eu 

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge