WorldSkills საერთაშორისო ორგანიზაცია

საქართველოში პროფესიული განათლების პოპულარიზაციის მიზით, 2012 წლიდან განათლების ხარისხის განვითარების ეროვნული ცენტრი საქართველოს განათლებისა და მეცნიერების სამინისტროსთან ერთად ახორციელებს პროექტს WorldSkills - საქართველო.

2015 წელს გერმანიის საერთაშორისო თანამშრომლობიის (GIZ) მხარდაჭერით, WorldSkills - საქართველო გახდა WorldSkills International-ის სრული წევრი. WorldSkills - საქართველოს წარმოადგენს განათლების ხარისხის განვითარების ეროვნული ცენტრი.

პროფესიულ უნარებში შეჯიბრება ტარდება ორ წელიწადში ერთხელ რომელიმე წევრ ქვეყანაში. საქართველოს გუნდმა სამჯერ მიიღო WorldSkills-ის საერთაშორისო შეჯიბრებაში მონაწილეობა: 2013 წელს გერმანიაში, ქ. ლაიფციგში; 2015 წელს ბრაზილიაში, ქ. სან-პაოლოში და 2017 წელს არაბთა გაერთიანებული საამიროებში, ქ. აბუ-დაბიში.
WorldSkills-ის ეროვნულ და საერთაშორისო შეჯიბრებებში მონაწილეობა ხელს უწყობს პროფესიული განათლების ინტერნაციონალიზაციას, საერთაშორისო გამოცდილების გაზიარებას და წარმატებული ახალგაზრდების გამოვლენას.

https://www.worldskills.org/

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge