კალენდარი

arrow სექტემბერი 2018 arrow
ორშსამოთხხუთპარშაბკვი
     12
3456789
10111213141516
1718
19
20212223
24252627282930
  • BFUG
  • ENQA
  • EUA
  • EFQM
  • WORLDSKILLS

ევროპის იურიდიული ფაკულტეტების ასოციაცია (ELFA)

2018 წლის აპრილში ესპანეთში, ქ. ბარსელონაში, ბარსელონას ავტონომიურ უნივერსიტეტში (UAB) გაიმართა ევროპის იურიდიული ფაკულტეტების ასოციაციის (ELFA) გენერალური ასამბლეა, რომელზეც სსიპ - განათლების ხარისხის განვითარების ეროვნულ ცენტრსა და ევროპის იურიდიული ფაკულტეტების ასოციაციას შორის გაფორმდა ურთიერთთანამშრომლობის მემორანდუმი.

გაფორმებული მემორანდუმის მიზანს წარმოადგენს, სამართლის მიმართულების საგანმანათლებლო პროგრამების აკრედიტაციის პროცესში დარგის საერთაშორისო ექსპერტთა კანდიდატურების შეთავაზება, ევროპის წამყვანი იურიდიული ფაკულტეტების გამოცდილების გაზიარებით, საქართველოში იურიდიული განათლების რეფორმირების პროცესში რეკომენდაციების შემუშავება და ამ მიზნით ერთობლივი ღონისძიებების, კონფერენციების, სამუშაო შეხვედრების დაგეგმვა და განხორციელება.
ასევე, მემორანდუმის ფარგლებში, როდესაც სამართლის მიმართულებით შექმნილი დარგობრივი საბჭო დაასრულებს მუშაობას სამართლის განახლებულ დარგობრივ მახასიათებელზე, საერთაშორისო ექსპერტების მონაწილეობით მოხდება აღნიშნული დოკუმენტის განხილვა და შესაბამის რეკომენდაციების შემუშავება.

მემორანდუმის გაფორმებას წინ უსწრებდა ევროპის იურიდიული ფაკულტეტების ასოციაციის მიერ ორგანიზებული კონფერენცია, რომელსაც ესწრებოდნენ ევროპის, ამერიკის შეერთებული შტატების, ჩინეთისა და ავსტრალიის უნივერსიტეტების იურიდიული ფაკულტეტების, სამართლის პროგრამების შეფასების პროცესში ჩართული ხარისხის უზრუნველყოფის სააგენტოებისა და პროფესიული ასოციაციების წარმომადგენლები. შეხვედრის ფარგლებში განხილულ იქნა იურიდიულ განათლების თანამედროვე გამოწვევები და მათი სამომავლოდ გადაჭრის გზები.

  • მერაბ ალექსიძის ქ. N1, 0193, თბილისი, საქართველო (ა.რაზმაძის სახელობის მათემატიკის ინსტიტუტის ყოფილი შენობა, სპორტის სასახლის მიმდებარე ტერიტორია)
  • (+995 322) 200 220 (*3599)
  • info@eqe.ge