სსიპ - განათლების ხარისხის განვითარების ეროვნული ცენტრი პარტნიორის სტატუსით მონაწილეობს ერაზმუს+-ის მიერ დაფინანსებულ ინსტიტუციური განვითარების პროექტში - „რბილი უნარების განვითარება სომხეთისა და საქართველოს უმაღლეს საგანმანათლებლო დაწესებულებებში 21-ე საუკუნის შრომის ბაზრის მოთხოვნების შესაბამისად" (DeSIRE).

პროექტი მიზნად ისახავს სომხეთისა და საქართველოს უმაღლეს საგანმანათლებლო დაწესებულებებში  21-ე საუკუნის შრომის ბაზრის მოთხოვნების შესაბამისად რბილი უნარების განვითარების ხელშეწყობას, რაც დაეხმარება სტუდენტებს კარიერულ განვითარებასა და დასაქმებაში.

პროექტის  ფარგლებში, ცენტრი ლტოვილთა და საერთაშორისო დაცვის სტატუსის მქონე პირთა განათლების აღიარების საკითხებზე საუკეთესო საერთაშორისო პრაქტიკის კვლევას ახორციელებს. პროცედურის ჩატარების კუთხით, აფასებს უმაღლესი საგანმანათლებლო დაწესებულებების მზაობას, რის შედეგადაც შემუშავდება გზამკვლევი და  უმაღლესი საგანმანათლებლო დაწესებულებებისა და ჩართული მხარეებისათვის ჩატარდება ტრენინგები, მომზადდება საინფორმაციო ბროშურები და შესაბამის მხარეებს გადაეცემათ პოტენციური განმცხადებლების ინფორმირების მიზნით.

პროექტის კოორდინატორი:

•    ვანაძორის სახელმწიფო უნივერსიტეტი (VSU)

პროექტის პარტნიორები არიან : 

•    დრესდენის ტექნიკური უნივერსიტეტი (TUD)
•    ლაპეენრანტა-ლახტის ტექნოლოგიების უნივერსიტეტი (LUT)
•    გრანადის უნივერსიტეტი (UGR)
•    დუნ ლოგჰაირის ხელოვნებისა და დიზაინის ინსტიტუტი (IADT)
•    ვანაძორის სახელმწიფო უნივერსიტეტი (VSU)
•    სომხეთის სახელმწიფო პედაგოგიური უნივერსიტეტი (ASPU)
•    სომხეთის სახელმწიფო სამხატვრო აკადემია (SAFAA)
•    გორის სახელმწიფო უნივერსიტეტი (GSU)
•    ივანე ჯავახიშვილის თბილისის სახელმწიფო უნივერსიტეტი (TSU)
•    ილიას სახელმწიფო უნივერსიტეტი (ISU)
•    შოთა რუსთაველის სახელმწიფო უნივერსიტეტი (BSU)
•    სოხუმის სახელმწიფო უნივერსიტეტი (SSU)
•    განათლების ხარისხის განვითარების ეროვნული ცენტრი (NCEQE)
•    პროფესიული განათლების ხარისხის უზრუნველყოფის ეროვნული ცენტრი (ANQA)
•    "NGO ცენტრი" სამოქალაქო საზოგადოების განვითარების ორგანიზაცია 
პროექტის განხორციელების პერიოდი: 2024-2026 წლები. 

პროექტის ბიუჯეტი შეადგენს 795,598  ევროს. 

პროექტის შესახებ დამატებითი ინფორმაცია იხილეთ ბმულზე: https://desire-project.com/#