„ევროპის რეგიონში უმაღლეს განათლებასთან დაკავშირებული კვალიფიკაციების ცნობის“ კონვენციის (ლისაბონის კონვენცია 1999) იმპლემენტაციისა და ზოგადად კვალიფიკაციების აღიარების პოლიტიკისა და პრაქტიკის განვითარების ხელშესაწყობად, ევროპის საბჭოსა და UNESCO - ს მიერ შეიქმნა ეროვნული საინფორმაციო ცენტრების ევროპული ქსელი (ENIC Network). აღნიშნული ქსელი თანამშრომლობს ევროპის კავშირის აკადემიური აღიარების ეროვნული საინფორმაციო ცენტრების ქსელთან (NARIC Network). 

ეროვნული საინფორმაციო ცენტრების ევროპული ქსელი  -ENIC (ევროპის რეგიონში საინფორმაციო ცენტრების ევროპული ქსელი) და NARIC (ევროკავშირის ეროვნული აკადემიური აღიარების საინფორმაციო ცენტრები) არის 55ქვეყნის კვალიფიკაციის აკადემიური აღიარების ეროვნული საინფორმაციო ცენტრების გაერთიანება, რომლებიც მიერთებულნი არიან ლისაბონის კონვენციას(1997 წელი). ცენტრები მოქმედებენ კონვენციისპრინციპების შესაბამისად.

საინფორმაციო ქსელის მიზანია უცხოეთში მიღებული განათლების აღიარების ხელშეწყობა. მონაწილე მხარეებს ევალებათ კონვენციის ზედამხედველობა და მისი განხორციელების გაადვილება. მხარს უჭერენ და მონიტორინგს უწევენ კონვენციის პრაქტიკულ დანერგვას კომპეტენტური ეროვნული ორგანოების მიერ.  

ქსელის არსებობა ხელს უწყობს მის წევრ ქვეყნებს შორის ინფორმაციისა და გამოცდილების გაცვლას, საუკეთესო პრაქტიკის გაზიარებას. 

ლისაბონის კონვენციის რატიფიცირება საქართველომ 1999 წელს მოახდინა და აკადემიური აღიარების ეროვნული საინფორმაციო ცენტრების ევროპულ ქსელში მას სსიპ -  განათლების ხარისხის განვითარების ეროვნული ცენტრი წარმოადგენს. ცენტრის ფუნქციაა ENIC-NARICწარმომდგენლებისთვის ქართული საგანმანათლებლო სისტემის, საგანმანათლებლო დაწესებულებებისა და საგანმანათლებლო დოკუმენტების შესახებ სანდო და აქტუალური ინფორმაციის მიწოდება. 

დამატებითი ინფორმაცია ENIC-NARICშესახებ შეგიძლიათ იხილოთ ვებგვერდზე: 

https://www.enic-naric.net/page-about-ENIC-NARIC-Networks

https://www.enic-naric.net/page-about-governance-LRC

https://www.enic-naric.net/page-about-governance-ENIC-NARIC-Networks