ზოგადსაგანმანათლებლო, პროფესიული და უმაღლესი საგანმანათლებლო დაწესებულებების ავტორიზაციის, ასევე საგანმანათლებლო პროგრამების აკრედიტაციის საბჭოების მიერ მიღებული გადაწყვეტილებები კანონმდებლობით დადგენილი წესით, გაცნობის დღიდან ერთი თვის ვადაში, ავტორიზაციის მაძიებელმა/აკრედიტაციის მაძიებელმა დაწესებულებამ შეიძლება გაასაჩივროს სააპელაციო საბჭოში ან სასამართლოში.
სააპელაციო საბჭოს წევრებს სამინისტროს წარდგინებით ნიშნავს და ათავისუფლებს საქართველოს პრემიერ-მინისტრი.
სააპელაციო საჩივარი შედგენილი უნდა იყოს წერილობით და მასში აღნიშნული უნდა იყოს:
ა) მიმართვა სააპელაციო საბჭოსადმი;
ბ) სააპელაციო საჩივრის წარმდგენი პირის ვინაობა/დასახელება, მისამართი და საკონტაქტო ინფორმაცია;
გ) იმ საბჭოს დასახელება, რომლის გადაწყვეტილებაც საჩივრდება;
დ) გასაჩივრებული გადაწყვეტილების დასახელება;
ე) მოთხოვნა;
ვ) გარემოებანი, რომელთაც ეფუძნება მოთხოვნა;
ზ) სააპელაციო საჩივარზე დართული დოკუმენტაციის ნუსხა, თუ საჩივარს რაიმე დოკუმენტი დაერთვის.
სააპელაციო საბჭო არ განიხილავს სააპელაციო საჩივარს, თუ:
ა) გასაჩივრებული გადაწყვეტილება სასამართლოს წარმოებაშია;
ბ) სააპელაციო საჩივარი შეტანილია არაუფლებამოსილი პირის მიერ;
გ) გასულია სააპელაციო საჩივრის წარდგენის დადგენილი ვადა;
დ) მოთხოვნილი საკითხის განხილვა სცდება სააპელაციო საბჭოს უფლებამოსილების ფარგლებს.
სააპელაციო საბჭო ვალდებულია ავტორიზაციის შემთხვევაში სააპელაციო საჩივარი განიხილოს და შესაბამისი გადაწვეტილება მიიღოს საჩივრის მიღებიდან 60 კალენდარული დღის ვადაში, აკრედიტაციის შემთხვევაში კი - 90 კალენდარული დღის ვადაში.
სააპელაციო საბჭო იღებს ერთ-ერთ შემდეგ გადაწყვეტილებას:
ა) ავტორიზაციის/აკრედიტაციის საბჭოების გადაწყვეტილების გაზიარების შესახებ;
ბ) ავტორიზაციის/აკრედიტაციის საბჭოებისთვის საკითხის ხელახლა განსახილველად დაბრუნების შესახებ.
ავტორიზაციის/აკრედიტაციის საბჭოების გადაწყვეტილების გაზიარების შესახებ სააპელაციო საბჭოს მიერ გადაწყვეტილების მიღების შემთხვევაში, დაინტერესებული მხარე უფლებამოსილია, აღნიშნული გადაწყვეტილება გაასაჩივროს სასამართლოში კანონმდებლობით დადგენილი წესითა და ვადაში.
ავტორიზაციის/აკრედიტაციის საბჭოებისთვის საკითხის ხელახლა განსახილველად დაბრუნების შესახებ სააპელაციო საბჭოს მიერ გადაწყვეტილების მიღების შემთხვევაში, ავტორიზაციის შესაბამისი საბჭო ან აკრედიტაციის საბჭო განიხილავს საკითხს ამ ავტორიზაციის/აკრედიტაციის დებულებებით დადგენილი წესით და გადაწყვეტილებას იღებს კანონმდებლობითდადგენილ ვადაში.
ავტორიზაციასთან/აკრედიტაციასთან დაკავშირებული გადაწყვეტილების გასაჩივრება ავტორიზაციის მაძიებელს/აკრედიტაციის მაძიებელ დაწესებულებას სააპელაციო წესით შეუძლია მხოლოდ ერთხელ.
„განათლების ხარისხის განვითარების შესახებ“ საქართველოს კანონის 241 მუხლის მე-2 პუნქტის შესაბამისად, სააპელაციო საბჭოს შემადგენლობა განსაზღვრულია შემდეგი სახით:
გოდერძი ბუჩაშვილი - შპს "საქართველოს ეროვნული უნივერსიტეტის" ვიცე-რექტორი ადმინისტრაციული მიმართულებით, პროფესორი - საბჭოს თავმჯდომარე;
ლევან ნიკოლეიშვილი - სსიპ - დავით აღმაშენებლის სახელობის საქართველოს ეროვნული თავდაცვის აკადემიის პროფესორი - საბჭოს თავმჯდომარის მოადგილე;
ქეთევან გილაშვილი - საქართველოს განათლების, მეცნიერების და ახალგაზრდობის სამინისტროს სკოლამდელი და ზოგადი განათლების განვითარების დეპარტამენტის სკოლამდელი განათლების ექსპერტი - საბჭოს მდივანი;
ერეკლე ასტახიშვილი - სსიპ - ივანე ჯავახიშვილის სახელობის თბილისის სახელმწიფო უნივერსიტეტის რექტორის მოადგილე;
ირმა შიოშვილი - სსიპ - იაკობ გოგებაშვილის სახელობის თელავის სახელმწიფო უნივერსიტეტის რექტორის მოადგილე, პროფესორი;
ირაკლი კორძაია - სსიპ - ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის დეკანი, ასოცირებული პროფესორი;
ქეთევან ნატრიაშვილი - გერმანული საკონსულტაციო კომპანიის - PE Consult GmbH პროფესიული განათლების პროგრამის გუნდის ხელმძღვანელი, პროექტის მენეჯერი;
ანასტასია ქიტიაშვილი - სსიპ - ივანე ჯავახიშვილის სახელობის თბილისის სახელმწიფო უნივერსიტეტის პროფესორი, სოციალური ფსიქოლოგიის ცენტრის დირექტორი;
ჯონი ბოჭორიშვილი - სსიპ - ქალაქ თბილისის N207 საჯარო სკოლის დირექტორი;
თეონა თიგიშვილი - შპს "ჯეო სქაი სქულის" მასწავლებელი;
ხათუნა ბარაბაძე - სსიპ - მასწავლებელთა პროფესიული განვითარების ეროვნული ცენტრის მასწავლებლის/დირექტორის პროფესიის რეგულირების პროგრამის მენეჯერი, შპს "ევროპული სკოლის" ქართული პროგრამის ხელმძღვანელი;
თამარ ჭყონია - მსოფლიო ბანკის დაფინანსებით მიმდინარე პროგრამის - ინოვაციის, ინკლუზიურობისა და ხარისხის პროექტის - საქართველოში 12Q (WB) ადრეული და სკოლამდელი განათლების ხარისხის და ხელმისაწვდომობის გაუმჯობესების კომპონენტის ხელმძღვანელი;
სააპელაციო საბჭოს წევრთა დანიშვნის შესახებ საქართველოს პრემიერ-მინისტრის 2018 წლის 25 დეკემბრის №478 ბრძანებაში ცვილელების შეტანის თაობაზე
სააპელაციო საბჭოს წევრთა დანიშვნის შესახებ საქართველოს პრემიერ-მინისტრის 2018 წლის 25 დეკემბრის №478 ბრძანება
სააპელაციო საბჭოს წევრთა დანიშვნის შესახებ საქართველოს პრემიერ-მინისტრის 2017 წლის 8 დეკემბრის №369 ბრძანება
სააპელაციო საბჭოს წევრთა დანიშვნის შესახებ საქართველოს პრემიერ-მინისტრის 2016 წლის 17 ოქტომბრის №343 ბრძანებაში ცვილელების შეტანის თაობაზე
სააპელაციო საბჭოს წევრთა დანიშვნის შესახებ საქართველოს პრემიერ-მინისტრის 2016 წლის 17 ოქტომბრის №343 ბრძანება
