26 ოქტომბერს განათლების ხარისხის განვითარების ეროვნულ ცენტრში პროფესიულ კვალიფიკაციათა ხელშეწყობის პროგრამისა და საქართველოს შრომის, ჯანმრთელობისა და სოციალური დაცვის სამინისტროს წარმომადგენლებს შორის შეხვედრა გაიმართა. მხარეებმა ისაუბრეს ეროვნულ საკვალიფიკაციო ჩარჩოში ჯანდაცვის მიმართულებით სწავლების სფეროების განსაზღვრის შესახებ. შეხვედრაზე აღინიშნა პროფესიული განათლების კუთხით ჯანდაცვის სფეროებში შრომის, ჯანმრთელობისა და სოციალური დაცვის სამინისტროს წარმომადგენლების ჩართულობის საჭიროების საკითხი, ასევე, ყურადღება გამახვილდა ევროკავშირთან ასოცირების შეთანხმების ვალდებულებებზე, რაც შესაბამისი პროფესიული სტანდარტებისა და ჩარჩო დოკუმენტების საერთაშორისო ვალდებულებების შესაბამისად ადაპტირებას გულისხმობს.