12 დეკემბერს, განათლების ხარისხის განვითარების ეროვნულ ცენტრში, ჩატარდა ინჟინერიის მიმართულების დარგობრივი საბჭო. სხდომაზე განიხილეს თევზისა და ზღვის პროდუქტების ლაბორატორიის ტექნიკოსის პროფესიული სტანდარტი, რომელიც შეიქმნა პროფესიულ კოლეჯ "ფაზისის" მიერ ათასწლეულის გამოწვევების ფონდის საქართველოს პროფესიული განათლების პროექტის "პროფესიული განათლება ეკონომიკის განვითარებისათვის" ფარგლებში, ასევე, ნავთობტერმინალების ტექნიკოსის სპეციალისტისა და ნავთობის გადამუშავების ტექნიკოსის ინიცირებები. ინჟინერიის მიმართულების დარგობრივმა საბჭომ, რომელიც დამსაქმებელთა, დასაქმებულთა, საგანმანათლებლო დაწესებულებებისა და სახელმწიფო უწყებების წარმომადგენლებით არის დაკომპლექტებული, დადებითი რეკომენდაცია მისცა ცენტრის დირექტორს თევზისა და ზღვის პროდუქტების ლაბორატორიის ტექნიკოსის პროფესიული სტანდარტის დასამტკიცებლად, ასევე, დადებითი რეკომენდაცია მიეცა წარმოდგენილ ინიცირებებზე პროფესიული სტანდარტების შექმნას.