14-15 დეკემბერს განათლების ხარისხის განვითარების ეროვნული ცენტრის წარმომადგენლებმა მონაწილეობა მიიღეს ბოლონიის პროცესის წევრი ქვეყნების - ბელგიის, პორტუგალიის, ჰოლანდიის - ხარისხის უზრუნველყოფის სისტემების შესწავლაში. შეხვედრა, ბელგიაში, განათლების ხარისხის უზრუნველყოფის სააგენტოებისა და უნივერსიტეტების წარმომადგენლებთან გენტის უნივერსიტეტში განხორციელდა.

წარმატებული პრაქტიკის მქონე ბოლონიის პროცესის წევრი ქვეყნების ხარისხის უზრუნველყოფის სისტემის შესწავლა მიზნად ისახავდა:

(ა) პოლიტიკის „შესწავლის“ მიზნით დიალოგის დაწყებას, ბოლონიის პროცესის განხორციელების და კონკრეტულ კონტექსტში მასთან დაკავშირებული ინსტრუმენტების გამოყენების შესახებ გამოცდილების გაზიარებას;
ბ) ცოდნის ტრანსფერს;
გ) კონკრეტული გამოწვევების მისაღებად საუკეთესო პრაქტიკის იდენტიფიცირებას რეკომენდაციების შემუშავების მიზნით.

შეხვედრაში ასევე მონაწილეობა მიიღეს საბერძნეთის, უნგრეთის, ალბანეთის განათლების სამინისტროს, ბოლონიის პროცესის განხორციელების ჯგუფის სამდივნოს წარმომადგენლებმა. შეხვედრა ბელგიის განათლების სამინისტროს ორგანიზებით ჩატარდა.