7 მარტს განათლების ხარისხის განვითარების ეროვნულ ცენტრში, პროფესიული განათლების ხარისხის უზრუნველყოფის სამსახურის ორგანიზებით, გაიმართა დარგობრივი შეხვედრა „ბაგა-ბაღის აღმზრდელი პედაგოგის“ პროფესიული მოდულური პროგრამის განმახორციელებელი საგანმანათლებლო დაწესებულებებისა და პროგრამაში ჩართული მასწავლებლების მონაწილეობით.

2016 წლის 8 ივნისს მიღებული „ადრეული და სკოლამდელი აღზრდისა და განათლების შესახებ“ საქართველოს კანონის შესაბამისად, განათლების ხარისხის განვითარების ეროვნული ცენტრის, პროფესიული და უმაღლესი დარგობრივი საბჭოების ადმინისტრაციული მხარდაჭერისა და შესაძლებლობების გაძლიერების ხელშეწყობის პროგრამის ფარგლებში შემუშავდება „აღმზრდელის“ პროფესიული პროგრამის ჩარჩო დოკუმენტი. შეხვედრის ფორმატში არსებული პროგრამის განმახორციელებელი საგანმანათლებლო დაწესებულებებისა და პროგრამაში ჩართული მასწავლებლების მოსაზრებები და კომენტარები მიწოდებულ იქნა „აღმზრდელის“ პროფესიული პროგრამის ჩარჩო დოკუმენტის შემმუშავებელი ჯგუფისათვის შემდგომი გაზიარების მიზნით.