27 მარტს განათლების ხარისხის განვითარების ეროვნულ ცენტრში ჩატარდა ხელოვნების, განათლების, ჰუმანიტარული მიმართულების დარგობრივი საბჭო. სხდომაზე განიხილეს დეკორატიული და გამოყენებითი ქსოვილების სპეციალისტის, ტანსაცმლის მხატვრული კონსტრუირების სპეციალისტის, ფეხსაცმლისა და ტყავის აქსესუარების სპეციალისტის, თექის ოსტატის, ღონისძიების დიზაინერის, იუველირის, მემინანქრის, მქარგავის, ფოტოგრაფის, პიანისტ-აკომპანიატორის, მუსიკის რეპეტიტორის ჩარჩო დოკუმენტების ცვლილებები.

სხდომაზე, ასევე განიხილეს ადრეული განათლების სპეციალისტის პროფესიული სტანდარტი და სკოლამდელი აღზრდის პროფესიული საგანმანათლებლო ჩარჩო დოკუმენტი. საბჭოს წევრებმა დადებითი რეკომენდაცია მისცეს ცენტრის დირექტორს წარმოდგენილი დოკუმენტაციის ცვლილებების დასამტკიცებლად.

ადრეული განათლების სპეციალისტის პროფესიულ სტანდარტსა და სკოლამდელი აღზრდის პროფესიული საგანმანათლებლო ჩარჩო დოკუმენტთან დაკავშირებით საბჭოს წევრებმა რეკომენდაციები გასცეს.