გაეროს განვითარების პროგრამასა და განათლების ხარისხის განვითარების ეროვნულ ცენტრს შორის გაფორმებული საგრანტო ხელშეკრულების ფარგლებში აქტიურად მიმდინარეობს მუშაობა პროფესიულ განათლებაში ზოგადი განათლების საშუალო საფეხურის კომპონენტების პილოტირებაზე.
საპილოტე პროფესიულ საგანმანათლებლო პროგრამებში „ინტეგრირებული მოდულების“ ჩართვაზე და პილოტირების პროცესის დაწყებაზე იმსჯელეს განათლებისა და მეცნიერების სამინისტროში გამართულ სამუშაო შეხვედრაზე. საგანმანათლებლო დაწესებულებებს მიეცათ კონკრეტული რეკომენდაციები სასწავლო გეგმების შედგენისა და სასწავლო პროცესის ორგანიზების მიმართულებით.