გაეროს განვითარების პროგრამასა და განათლების ხარისხის განვითარების ეროვნულ ცენტრს შორის გაფორმებული საგრანტო შეთანხმების ფარგლებში, სკოლის მოსწავლეთა საორიენტაციო კურსების პილოტირება რამდენიმე პროფესიულ კოლეჯში მიმდინარეობს.

საორიენტაციო კურსებზე დაკვირვების მიზნით მონიტორინგისა და შეფასების ჯგუფის წევრები ამჯერად საზოგადოებრივ კოლეჯ „ოპიზარს“ ესტუმრნენ.

კოლეჯი კულინარიისა და ელექტროობის საორიენტაციო კურსებს ახორციელებს. სკოლის მოსწავლეები სახალისო და საინტერესო სწავლების მეშვეობით ეცნობიან პროფესიებს.

საორიენტაციო და მოსამზადებელი პროგრამა მიზნად ისახავს მოზარდების თვითგამორკვევის ხელშეწყობას და მათი პროფესიული უნარების განვითარებას.