გაეროს განვითარების პროგრამასა და განათლების ხარისხის განვითარების ეროვნულ ცენტრს შორის გაფორმებული საგრანტო შეთანხმების ფარგლებში საზოგადოებრივი კოლეჯი „აისი“ მოსწავლეებისთვის ხილ-ბოსტნეულის გადამუშავებისა და ცხოველების მოვლის საორიენტაციო კურსებს ახორციელებს.

სწავლების პროცესის მიზანია, მოსწავლეებს შრომითი უნარები და პროფესიისთვის აუცილებელი უნარები გამოუმუშავდეთ. მოსწავლეები სახალისო და საინტერესო სწავლების მეშვეობით პრაქტიკულად ეცნობიან პროფესიებს.

საორიენტაციო კურსებზე დაკვირვების მიზნით მონიტორინგისა და შეფასების ჯგუფის წევრებმა საზოგადოებრივ კოლეჯ „აისში“ მონიტორინგის მორიგი ვიზიტი განახორციელეს და ხილ-ბოსტნეულის გადამუშავების კურსის მსვლელობას დააკვირდნენ.