15 ივლისი გაერთიანებული ერების ორგანიზაციის მიერ აღიარებულია მსოფლიოს ახალგაზრდების პროფესიული უნარების დღედ. ამ დღესთან დაკავშირებით Worldskills ყოველწლიურად აცხადებს კონკურსს და განსაკუთრებით ნიჭიერ ახალგაზრდებს სხვადასხვა პრიზით აჯილდოვებს.

წელს განსაკუთრებული პრიზია დაწესებული და დაჯილდოვდება ის ახალგაზრდა, რომელიც მოამზადებს საუკეთესო 2-წუთიან ვიდეოს და Facebook-ზე, Instagram-ზე, Twitter-ზე ან YouTube-ზე ატვირთავს ჰეშთეგის #SkillsForAll გამოყენებით. ვიდეოში უნდა ჩანდეს, როგორ უქმნის ადამიანებს პოზიტიურ მომავალს პროფესიული უნარები.

კონკურსის გამარჯვებული აბუ-დაბიში 2017 წლის საერთაშორისო შეჯიბრებაზე Worldskills-ის ოფიციალური ვლოგერი გახდება.

ვიდეოს ატვირთვის ბოლო ვადაა 9 ივლისი.

კონკურსის დეტალების შესახებ მეტი ინფორმაციის მისაღებად ეწვიეთ Worldskills-ის ვებგვერდს.

წარმატებები!