11 აგვისტოს განათლების ხარისხის განვითარების ეროვნულ ცენტრში, პროფესიული განათლების ხარისხის უზრუნველყოფის სამსახურის ორგანიზებით გაიმართა შეხვედრა მოდულური საგანმანათლებლო პროგრამის განმახორციელებელ საგანმანათლებლო დაწესებულებებთან.
შეხვედრა მიზნად ისახავდა სხვადასხვა დარგის მიმართულებით ( ფოტოგრაფია, სახვითი ხელოვნება, საოფისე საქმისა და ღონისძიების ორგანიზება, საფინანსო სერვისები, ბუღალტრული აღრიცხვა, საბაჟო საქმე და ინფორმაციის ტექნოლოგია) ჩარჩო დოკუმენტების დანერგვის ეტაპებთან დაკავშირებულ სიახლეების მიწოდებას და განხორციელების საკითხებთან დაკავშირებით რეკომენდაციების გაზიარებას.