19 სექტემბერს განათლების ხარისხის განვითარების ეროვნულ ცენტრში, პროფესიული განათლების ხარისხის უზრუნველყოფის სამსახურის ორგანიზებით, გაიმართა დარგობრივი შეხვედრები „ბუღალტრული აღრიცხვის“ და „ელექტროობის“ ახალ ოპტიმიზირებულ პროგრამებთან დაკავშირებით პროფესიული საგანმანათლებლო პროგრამების განმახორციელებელ საგანმანათლებლო დაწესებულებებისთვის. შეხვედრა მიზნად ისახავდა აღნიშნულ ახალ ოპტიმიზირებულ პროგრამებთან დაკავშირებით ცვლილებებისა და შესაბამისი ინსტრუქციების გაზიარებას. ასევე, პასუხი გაეცა დაწესებულებების წარმომადგენლების მიერ შეხვედრაზე წამოჭრილ კითხვებს მიმდინარე სიახლეებთან დაკავშირებით.