30 ოქტომბერს, განათლების ხარისხის განვითარების ეროვნულ ცენტრს ესტუმრა კრედიტაციის საერთაშორისო ექსპერტი, კოპენჰაგენის უნივერსიტეტის სტომატოლოგიის სკოლის ხელმძღვანელი, ბო დენიელსენი.
საერთაშორისო ექსპერტი, პროექტ STUDY IN GEORGIA-ს ფარგლებში, თბილისის ღია სასწავლო უნივერსიტეტში, სტომატოლოგიის ინგლისურენოვან, ერთსაფეხურიან უმაღლეს საგანმანათლებლო პროგრამას შეაფასებს.

აღსანიშნავია, რომ შეფასების პროცესში, საერთაშორისო ექსპერტთან ერთად წარმოდგენილნი იქნებიან ქართველი ექსპერტები, სტუდენტი და დამსაქმებელი.

2017 წლის ბოლომდე საერთაშიროს ექსპერტების მონაწილობით საქართველოს 11 ავტორიზებულ უმაღლეს საგანმანათლებლო დაწესებულებაში 21 ინგლისურენოვანი საბაკალავრო, სამაგისტრო, ერთსაფეხურიანი სამედიცინო და სადოქტორო პროგრამა შეფასდება.