FAQ

პროფესიული საგანმანათლებლო დაწესებულებების ავტორიზაციის საბჭოს წევრების სამუშაო შეხვედრა

30 ოქტომბერი 2017


მიმდინარე წლის 27 და 28 ოქტომბერს, პროფესიული განათლების ხარისხის უზრუნველყოფის სამსახურის ორგანიზებით, „პროფესიული განათლების განვითარების ხელშეწყობის პროგრამის“ „მოდულური საგანმანათლებლო პროგრამის დანერგვის ხელშეწყობის ქვეპროგრამის“ ფარგლებში, დაბა გუდაურში, გაიმართა სამუშაო შეხვედრა პროფესიული საგანმანათლებლო დაწესებულებების ავტორიზაციის საბჭოს წევრების შესაძლებლობების გაძლიერების მიზნით.

შეხვედრის ფარგლებში ყურადღება გამახვილდა ავტორიზაციის არსებულ სტანდარტებსა და პროცედურებზე, ასევე, მონიტორინგის საკითხებზე. ავტორიზაციის საბჭოს წევრებს მიეწოდათ ინფორმაცია მოდულური/დუალური პროგრამების დანერგვის პროცესებში არსებული გამოწვევებისა და განსახორციელებელი ღონისძიებების შესახებ.

სამუშაო შეხვედრაზე ავტორიზაციის საბჭოს წევრებისა და ავტორიზაციის ექსპერტების ჩართულობით მოხდა პროფესიულ სტუდენტთა ზღვრული რაოდენობის მეთოდოლოგიის განხილვა და მოსაზრებების შეჯერება. ასევე, შეხვედრის ფარგლებში განხორციელდა პროფესიული საგანმანათლებლო დაწესებულებების ავტორიზაციის განახლებული სტანდარტების პროექტის განხილვა.

შეხვედრის მონაწილეებმა გამოთქვეს მოსაზრება, რომ აღნიშნული ღონისძიება მნიშვნელოვნად შეუწყობს ხელს ავტორიზაციის საბჭოს ფუნქციონირებას, რაც თავის მხრივ აისახება მოდულური (მათ შორის დუალური) პროფესიული საგანმანათლებლო პროგრამების დანერგვის პროცესზე.

პროფესიული საგანმანათლებლო დაწესებულებების ავტორიზაციის საბჭოს წევრების სამუშაო შეხვედრა