ავტორიზაციის განახლებული სტანდარტებით უმაღლესი საგანმანათლებლო დაწესებულებების პილოტირების პროცესი გრელდება. მორიგი საპილოტე შეფასება ილიას სახელმწიფო უნივერსიტეტში განხორცილდება. შეფასება ახალი, ევროპულ სტანდარტებთან თავსებადი ავტორიზაციის სტანდარტებისა და პროცედურების მიხედვით ჩატარდება. ამ მიზნით განათლების ხარისხის განვითარების ეროვნულ ცენტრს საერთაშორისო ექსპერტთა მორიგი ჯგუფი ესტუმრა.

ექსპერტთა ჯგუფს ხელმძღვანელობს სჟიბოლტ ნურდა (ჰოლანდია) - „მაგნა ჩარტას ობზერვატორიის“ პრეზიდენტი, „აკადემიური თანამშრომლობის ასოციაციის“ (ბელგია) პრეზიდენტი და „ევროპის უნივერსიტეტების ასოციაციის“ ექსპერტი. ჯგუფის წევრია კიდევ ერთი უცხოელი ექსპერტი ჰენრიკ თოფტ იენსენი (დანია) - როსკილდის უნივერსიტეტის ყოფილი რექტორი, ემერიტუსი პროფესორი, სინგაპურის უნივერსიტეტების ხარისხის უზრუნველყოფის ჩარჩოს ყოფილი წევრი და „ევროპის უნივერსიტეტების ასოციაციის“ ექსპერტი.

უმაღლესი საგამანათლებლო დაწესებულებების ინსტიტუციური შეფასების პროცესში საერთაშორისო ექსპერტებთან ერთად ჩართულები არიან ქართველი ექსპერტები, სტუდენტი და დამსაქმებელი. შემფასებელთა ჯგუფს ხელმძღვანელობს უცხოელი ექსპერტი. საერთაშორისო ექსპერტების ჩართვა საავტორიზაციო შეფასებებში სავალდებულო კომპონენტად განისაზღვრა.

პილოტირება ხორციელდება პროექტ STUDY IN GEORGIA-ს ფინანსური მხარდაჭერით.