22-24 იანვარს განათლების ხარისხის განვითარების ეროვნულ ცენტრში პროფესიული განათლების ხარისხის უზრუნველყოფის სამსახურის ორგანიზებით მიმდინარეობდა შეხვედრები პროფესიული საგანმანათლებლო დაწესებულების ავტორიზაციისა და პროგრამების აკრედიტაციის ექსპერტებთან.
შეხვედრა მიზნად ისახავდა ექსპერტებისთვის უახლესი ინფორმაციის მიწოდებას საგანმანათლებლო დაწესებულების ავტორიზაციის პროცესისის სრულყოფილად წარმართვისა და შეფასების ერთიანი პრაქტიკის დამკვიდრების მიზნით. შეხვედრაზე შეჯამდა ექსპერტთა ახალი კორპუსის საქმიანობის განვლილი პერიოდი, გაანალიზდა ექსპერტთა ვიზიტები, დასკვნის პროექტები და დასკვნები. ასევე, განიხილეს ახალი დასკვნის პროექტი „პროფესიული საგანმანათლებლო დაწესებულების ავტორიზაციის პირობების შემოწმების ვიზიტის შესახებ“.