განათლების ხარისხის განვითარების ეროვნულ ცენტრში მიმდინარეობს უმაღლესი საგანმანათლებლო დაწესებულებების ავტორიზაციის ექსპერტთა ტრენინგი, რომელიც მიზნად ისახავს განახლებული, ევროპულ სტანდარტებთან თავსებადი ავტორიზაციის სტანდარტების, მოქმედი რეგულაციებისა და პროცედურების განხილვას. ამასთან, შეფასდება ექსპერტთა მომზადების დონე, რის შედეგადაც დაკომპლექტდება ექსპერტთა ჯგუფები, რომლებიც 2018 წელს მონაწილეობას მიიღებენ განახლებული სისტემის შესაბამისად უმაღლესების საავტორიზაციო შეფასებებში.

უმაღლესი საგანმანათლებლო დაწესებულებების ავტორიზაციის ექსპერტთა კორპუსის შემადგენლობაში არიან სხვადასხვა უმაღლესი საგანმანათლებლო დაწესებულებების აკადემიური და ადმინისტრაციული პერსონალი, სტუდენტები და დამსაქმებლები.

აღსანიშნავია, რომ 2018 წლიდან, უმაღლესი საგანმანათლებლო დაწესებულებების ავტორიზაციის პროცესში, ქართველ ექსპერტთა ჯგუფის თავმჯდომარის რანგში საერთაშორისოექსპერტები მიიღებენ მონაწილეობას.

ექსპერტთა მუშაობის გაუმჯობესების და ობიექტური შეფასების უზრუნველყოფის მიზნით, მოხდება ექსპერტთა საქმიანობის წესის, ეთიკის კოდექსის და ანაზღაურების წესის განხილვა. ამასთან, მუდმივად მოხდება ექსპერტთა საქმიანობის შეფასება. ექსპერტთა საქმიანობას შეაფასებენ, როგორ უმაღლესი საგანმანათლებლო დაწესებულებები, ასევე ცენტრის წარმომადგენელი და ექსპერტთა ჯგუფის თავმჯდომარე.