განათლების ხარისხის განვითარების ეროვნული ცენტრი იწვევს უმაღლესი საგანმანათლებლო დაწესებულებების წარმომადგენლებს უმაღლესი საგანმანათლებლო დაწესებულებების ავტორიზაციის საბჭოს დაკომპლექტების წესისა და საბჭოს შესაძლო შემადგენლობის  განსახილველად. სამუშაო შეხვედრა გაიმართება 2013 წლის 16 აპრილს, განათლების ხარისხის განვითარების ეროვნულ ცენტრში 15:00 საათზე.
 
კანონმდებლობაში შესული ცვლილებების შესაბამისად, გადაწყვეტილებას უმაღლესი საგანმანათლებლო დაწესებულების ავტორიზაციის თაობაზე მიიღებს დამოუკიდებელი ორგანო - უმაღლესი საგანმანათლებლო დაწესებულებების ავტორიზაციის საბჭო. სამუშაო შეხვედრაზე ცენტრი წარმოადგენს თავის პოზიციას ავტორიზაციის საბჭოს დაკომპლექტებასთან მიმართებით. დაინტერესებულ მხარეებს - უმაღლესი საგანმანათლებლო დაწესებულებების წარმომადგენლებს შესაძლებლობა ეძლევათ წარმოადგინონ ავტორიზაციის საბჭოს დაკომპლექტების ხედვა, ასევე, გამოთქვან რეკომენდაციები უმაღლესი საგანმანათლებლო დაწესებულებების ავტორიზაციის საბჭოს წევრების კანდიდატურების შესახებ.