ონლაინ შეხვედრა არაფორმალური განათლების აღიარების სერტიფიცირებულ კონსულტანტებთან
განათლების ხარისხის განვითარების ეროვნული ცენტრი, COVID-19 ვირუსის გავრცელების პრევენციის მიზნით სამუშაო შეხვედრებს ონლაინ რეჟიმში აგრძელებს.
არაფორმალური განათლების აღიარების დანერგვის ხელშეწყობის ქვეპროგრამის ფარგლებში, ჩატარდა ონლაინ სამუშაო შეხვედრა არაფორმალური განათლების აღიარების სერტიფიცირებულ კონსულტანტებთან.
სერტიფიცირებულ კონსულტანტებს მიეწოდათ ინფორმაცია შემუშავებული და შესამუშავებელი გზამკვლევების შესახებ. ამ ეტაპზე, შემუშავებულია ორი გზამკვლევი:
· არაფორმალური განათლების აღიარების პროცესი და შესაბამისი ეტაპები;
· არაფორმალური განათლების აღიარების უფლების მოპოვება.
მიმდინარეობს კონსულტანტის გზამკვლევის შემუშავების პროცესი, რაშიც სერტიფიცირებული კონსულტანტებიც არიან ჩართულნი.
გზამკვლევები მნიშვნელოვანია როგორც არაფორმალური განათლების აღიარების უფლების მოპოვებით დაინტერესებული დაწესებულებებისთვის/ორგანიზაციებისთვის და სერტიფიცირებული კონსულტანტებისთვის, ისე არაფორმალური განათლების აღიარებით დაინტერესებული ნებისმიერი პირისთვის. შემუშავებული გზამკვლევები ხელმისაწვდომია ცენტრის ვებ გვერდზე : https://eqe.ge/geo/static/873/
