პროფესიული და ზოგადსაგანმანათლებლო დაწესებულებების თვითშეფასების პროცესი დაიწყო

7 ივლისი 2020

პირველი ივლისიდან 31 ივლისის ჩათვლით პროფესიული და ზოგადსაგანმანათლებლო დაწესებულებები კანონმდებლობით დადენილი წესით განათლების ხარისხის განვითარების ეროვნულ ცენტრს თვითშეფასების ანგარიშებს წარუდგენენ.

თვითშეფასების ანგარიში ცენტრს არაუგვიანეს სამ წელიწადში ერთხელ წარედგინება, რაც საანგარიშო პერიოდში დაწესებულების მიერ ავტორიზაციის სტანდარტებთან შესაბამისობის კუთხით განხორციელებულ ცვლილებებს ასახავს.

პროფესიული განათლების მიმწოდებელთა თვითშეფასება მიმდინარე წელს მნიშვნელოვან სიახლეს უკავშირდება: დაწესებულებები პირველად შეაფასებენ საკუთარ თავს ავტორიზაციის ახალ სტანდარტებთან მიმართებით ელექტრონულად.

"წლის ბოლოს, დაწესებულებების მიერ მოწოდებული თვითშეფასების ანგარიშების ანალიზის საფუძველზე, ცენტრი ხარისხის შესაბამისობის სისტემურ სურათს დადებს, რაც ხარისხის განვითარების კუთხით შემდგომი ინტერვენციების დაგეგმვას დაედება საფუძვლად. ხარისხის განვითარების მხარდაჭერა კი ცენტრის საჯაროდ დეკლარირებული მიდგომაა,“- აღნიშნა ცენტრის დირექტორის მოადგილემ, კახაბერ ერაძემ, დაწესებულებების წარმომადგენლებთან პროცესის მნიშვნელობაზე საუბრისას.

განათლების ხარისხის განვითარების ეროვნული ცენტრი, ახალი კორონავირუსის COVID-19 გავრცელების პრევენციის მიზნით, სამუშაო შეხვედრებს ონლაინრეჟიმში აგრძელებს.

პროფესიული და ზოგადსაგანმანათლებლო დაწესებულებების თვითშეფასების პროცესი დაიწყო