15 მარტს  განათლების ხარისხის განვითარების ეროვნული ცენტრის კვალიფიკაციების განვითარების სამსახურის ორგანიზებით გაიმართა შეხვედრა  სოფლის მეურნეობის პროფესიული საგანმანათლებლო პროგრამის ჩარჩო დოკუმენტის  მეფუტკრეობის კვალიფიკაციის შესახებ, რომელსაც ესწრებოდნენ საქართველოს პროფესიონალ მეფუტკრეთა ასოციაციის, აჭარის მეფუტკრეთა ბიზნეს ასოციაციის, საქართველოს მეფუტკრეთა გაერთიანებისა და მეფუტკრეობის პროფესიული საგანმანათლებლო პროგრამის განმახორციელებელი დაწესებულებების წარმომადგენლები. 

შეხვედრაზე განიხილეს საქართველოს პროფესიონალ მეფუტკრეთა ასოციაციის მიერ ცენტრში წარმოდგენილი ინიციატივები, რომლებიც იდენტიფიცირებულ იქნა აღნიშნული ჩარჩო დოკუმენტის საფუძველზე შექმნილი პროფესიული საგანმანათლებლო პროგრამის განხორციელების პროცესში.  შეხვედრაზე აღინიშნა, რომ დასახელებული კვალიფიკაცია საჭიროებს განახლებას ევროკავშირის რეგულაციების შესაბამისად და ის თანხვედრაში უნდა იქნას მოყვანილი შრომის ბაზრის  თანამედროვე მოთხოვნებთან. შეხვედრაზე დამსწრე დაინტერესებული მხარეების წარმომადგენლებმა გამოთქვეს მზაობა ჩარჩო დოკუმენტის შემდგომი გადახედვის პროცესში მონაწილეობის მისაღებად.