ავტორიზაციის მსურველი საჯარო და კერძო კოლეჯების საყურადღებოდ!

30 მაისი 2014

განათლების ხარისხის განვითარების ეროვნული ცენტრი  აგრძელებს   პროფესიული საგანმანათლებლო პროგრამების გაუმჯობესებაზე ზრუნვას და ამ მიზნით 2014 წლის 3 და 4 ივნისს, 11 საათზე,  დაინტერესებული პირებისათვის აწყობს სამუშაო შეხვედრებს შოთა რუსთაველის ეროვნული  სამეცნიერო ფონდის საკონფერენციო დარბაზში (მის: ქ.თბილისი, მ.ალექსიძის ქ. №1, მესამე სართული). შეხვედრებზე განსახილველად წარმოდგენილი იქნება სანიმუშო პროგრამები და ასევე განხილული იქნება დაწესებულებების მიერ შემოთავაზებული სხვადასხვა სახის პრობლემური საკითხები.
•    3 ივნისს, 11 საათზე შეხვედრაზე განხილული იქნება ბუღალტრის, მზარეულისა და შემდუღებლის პროფესიული საგანმანათლებლო პროგრამები;
•    4 ივნისს, 11 საათზე შეხვედრა დაეთმობა ყველაზე პრობლემური საკითხების განხილვას.
 
შეხვედრაში მონაწილეობის მიღება შეუძლია კოლეჯიდან თითო წარმომადგენელს (კოლეჯის დირექტორი ან ხარისხის მენეჯერი ან პროგრამის მენეჯერი), გთხოვთ, შეხვედრაში მონაწილეობის მსურველებმა, ცენტრს მომართოთ არაუგვიანეს 2 ივნისისა შემდეგ ტელეფონებზე: 2200220 (3507);  577 17 55 77 ან მოგვწერეთ ელფოსტაზე: info@eqe.ge და დაგვიდასტუროთ მონაწილეობის სურვილი.

ავტორიზაციის მსურველი საჯარო და კერძო კოლეჯების საყურადღებოდ!