17 იანვარს დაიწყო ზოგადი განათლების ხარისხის უზრუნველყოფის სპეციალისტთა სერტიფიცირების მიზნით გამოცხადებული კონკურსის შემდეგი ეტაპი - სპეციალურად განსაზღვრული კურსი/ტრენინგი.
ტრენინგის მიზანია ზოგადსაგანმანათლებლო დაწესებულებების ხარისხის უზრუნველყოფის სპეციალისტთა სერტიფიცირებისთვის მომზადება.
ტრენინგის ფარგლებში კონკურსანტები გაეცნობიან:
ზოგადი განათლების ხარისხის უზრუნველყოფის ძირითად პრინციპებს;
ხარისხის უზრუნველყოფის შიდა მექანიზმს - თვითშეფასებას, მის როლს და მნიშვნელობას, განხორციელების პროცესს და თვითშეფასების ელექტრონულ პლატფორმას;
ზოგადსაგანმანათლებლო დაწესებულებების ავტორიზაციის განახლებული სტანდარტების პროექტს;
ზოგადსაგანმანათლებლო დაწესებულების ავტორიზაციის პროცესებს.
ტრენინგის დასრულების შემდეგ მონაწილეები შეძლებენ დაწესებულების საქმიანობის შესაბამისობის შეფასებას ავტორიზაციის ცალკეულ სტანდარტთან და შეფასების შედეგებზე დაყრდნობით საჭირო რეკომენდაციების გაცემას.
ტრენინგი დასრულება 2022 წლის 25 თებერვალს.