პროფესიული საგანმანათლებლო დაწესებულებების ავტორიზაციის საბჭოს 2023 წლის 10 ივლისის   N 856622  გადაწყვეტილებით,  შპს „კოლეჯ მესამე სამედიცინოს“  2023 წლის 19 ივლისიდან აღარ აქვს უფლება განახორციელოს „საექთნო განათლების“ პროფესიული საგანმანათლებლო პროგრამა. საბჭოს გადაწყვეტილება განთავსებულია შემდეგ ბმულზე:  https://eqe.ge/ka/decisions/12527/show

ამდენად, ამ პროგრამის პროფესიულ სტუდენტებს 2023 წლის  19 ივლისიდან  5 წლის ვადით უჩერდებათ პროფესიული სტუდენტის სტატუსი და ამ პერიოდში უფლებამოსილნი არიან, კანონმდებლობით დადგენილი წესით, ისარგებლონ შიდა  მობილობის უფლებით ან გადავიდნენ პროფესიული საგანმანათლებლო პროგრამების განმახორციელებელ სხვა საგანმანათლებლო დაწესებულებაში.