2023 წელს, სსიპ - განათლების ხარისხის განვითარების ეროვნულ ცენტრს, მედიცინის პროგრამებზე სააკრედიტაციო განაცხადით მომართა ერევნის მხითარ ჰერაცის სახელობის სახელმწიფო სამედიცინო უნივერსიტეტმა.

ცენტრმა, აკრედიტაციის დებულებით დადგენილი წესის შესაბამისად, საერთაშორისო და ადგილობრივი ექსპერტების მონაწილეობით, განახორციელა წარმოდგენილი პროგრამების შეფასება ერევნის სახელმწიფო სამედიცინო უნივერსიტეტში.

აკრედიტაციის ექსპერტთა ჯგუფის შემადგენლობაში ექსპერტები შედიოდნენ - დიდი ბრიტანეთიდან, უნგრეთიდან, სომხეთიდან და საქართველოდან.

აღსანიშნავია, რომ განათლების ხარისხის განვითარების ეროვნულმა ცენტრმა, როგორც სამედიცინო განათლების მსოფლიო ფედერაციის (WFME) მიერ აღიარებულმა ორგანიზაციამ, პირველად უზრუნველყო უცხოეთში მოქმედი სამედიცინო უნივერსიტეტის მედიცინის საგანმანათლებლო პროგრამების აკრედიტაციის პროცესის ადმინისტრირება.