გიწვევთ უმაღლესი განათლების მიმართულებით სწავლა-სწავლების საერთაშორისო ქსელში (PROFFORMANCE Peer Network) გასაწევრიანებლად

PROFFORMANCE + პროექტის ფარგლებში,  უმაღლესი საგანმანათლებლო დაწესებულებების წარმომადგენლებს გიწვევთ, შეუერთდეთ ევროპის მასშტაბით მოქმედ ქსელს, რომელიც ემსახურება სწავლა-სწავლების ხარისხის გაუმჯობესებას, პროფესორ-მასწავლებელთა შეფასებასა და მხარდაჭერას.  PROFFORMANCE-ის ინსტიტუციური ელჩები (IPA) გაცვლიან გამოცდილებას, წარმოაჩენენ საუკეთესო პრაქტიკას და გამოსცდიან ინოვაციურ ინსტრუმენტებს, როგორიცაა  PROFFORMANCE შეფასების ინსტრუმენტთა ნაკრები(PAT).

რა შესაძლებლობებს გთავაზობთ ქსელის წევრობა:

თანატოლთა სწავლება - რეგულარული ონლაინ შეხვედრები სწავლა-სწავლების ცენტრების მენეჯერებთან, ხარისხის უზრუნველყოფის ექსპერტებთან, ადამიანური რესურსების განვითარების სპეციალისტებთან და პროგრამის ხელმძღვანელებთან.

პრაქტიკული ინსტრუმენტები - PAT-სა და სხვა რესურსებზე წვდომა, რომლებიც ხელს უწყობს მასწავლებლების შეფასებასა და განვითარებას; ასევე, სწავლებისა და სწავლის ხარისხის გაუმჯობესებას.

ქსელის მთავარი ფოკუსი - შესაძლებლობა, მონაწილეობა მიიღოთ პრაქტიკულ სიმულაციაში  ქსელის ღონისძიებაზე (პირისპირ შეხვედრის ფორმატში) 2025 წლის 16 ოქტომბერს, ბუდაპეშტში (შერჩეული მონაწილეებისთვის მგზავრობის და ცხოვრების ხარჯები ანაზღაურდება).

პროექტის ძირითადი ეტაპები:

13 ივნისი, 2025, 12:00–14:00 (თბილისის დროით) - საინფორმაციო სესია და ონლაინ მოსამზადებელი შეხვედრა;

14 ივნისი – 15 ივლისი, 2025 - PROFFORMANCE შეფასების ინსტრუმენტის (PAT) საპილოტო ფაზა  – მოსინჯეთ ინსტრუმენტი თქვენს დაწესებულებაში;

31 ივლისი, 2025 - ინსტიტუციური და ინდივიდუალური უკუკავშირი;

აგვისტო, 2025 - შერჩეული მონაწილეების ინფორმირება მათი შერჩევის თაობაზე;

5 სექტემბერი, 2025 -  საორიენტაციო შეხვედრა შერჩეული მონაწილეებისთვის, 16 ოქტომბრის ღონისძიებამდე;

16 ოქტომბერი, 2025  - ქსელური ღონისძიება ბუდაპეშტში და ერთობლივი სიმულაცია.

ვის შეუძლია მონაწილეობა:

უმაღლესი საგანმანათლებლო დაწესებულებების წარმომადგენლები,  რომლებიც პასუხისმგებელი არიან სწავლა-სწავლების ხარისხის გაუმჯობესებაზე: სწავლა-სწავლების ცენტრების ხელმძღვანელები, ხარისხის უზრუნველყოფის (QA) და ადამიანური რესურსების მართვის (HR)  გუნდის წევრები, სასწავლო გეგმების შემქმნელები და პროგრამის ლიდერები.

როგორ შეძლებთ მონაწილეობას:

• დააფიქსირეთ პროექტში მონაწილეობით თქვენი დაინტერესება მოცემული ონლაინ ფორმის საშუალებით მიმდინარე წლის 31 მაისამდე.

• მიიღეთ ნებართვა თქვენი უმაღლესი საგანმანათლებლო დაწესებულების მენეჯმენტისგან, რომ წარმოადგინოთ თქვენი დაწესებულება ქსელში PROFFORMANCE-ის ინსტიტუციურ ელჩის სტატუსით, რაც ითვალისწინებს:
  • პროექტის შეფასების ინსტრუმენტის (PAT) ტესტირებაზე (მიმდინარე წლის  15 ივლისამდე) პასუხისმგებლობას
  • შერჩევის შემთხვევაში, თქვენს მივლინებას ბუდაპეშტში, მიმდინარე წლის 16 ოქტომბრის  ღონისძიებაში მონაწილეობის მისაღებად.
  • აქტიურ ჩართულობას ქსელის შემდგომ საქმიანობაში.

ყველა  აპლიკანტს შეუძლია მიიღოს მონაწილეობა ქსელის ონლაინ სესიებში; ბუდაპეშტში დაგეგმილ შეხვედრაში მონაწილეთა სია ცნობილი გახდება მიმდინარე წლის აგვისტოში.

დამატებითი შეკითხვების შემთხვევაში შეგიძლიათ, მიმართოთ პროექტის გუნდს: ehea@tpf.hu

გახდით ცვლილებების ნაწილი — ჩაერთეთ პროცესში დღესვე!