ზოგადსაგანმანათლებლო დაწესებულების მიერ განსახორციელებელი ყოველწლიური თვითშეფასების ფორმა და განხორციელების წესი დამტკიცდა
საქართველოს განათლებისა და მეცნიერების მინისტრის 2010 წლის 1 ოქტომბრის №99/ნ ბრძანებით დამტკიცებული „საგანმანათლებლო დაწესებულებების ავტორიზაციის დებულების” საფუძველზე დამტკიცდა ზოგადსაგანმანათლებლო დაწესებულების მიერ განსახორციელებელი ყოველწლიური თვითშეფასების ფორმა და განხორციელების წესი. ზოგადსაგანმანათლებლო დაწესებულებები ყოველწლიურ თვითშეფასებას განახორციელებენ ელექტრონული ფორმით. აღნიშნული პროცესის უზრუნველყოფის მიზნით, მომზადდა თვითშეფასების ელექტრონული პლატფორმა - https://evaluate.eqe.ge/
დამტკიცებული წესის შესაბამისად, დაწესებულებას თვითშეფასების ანგარიშის წარმოდგენის ვალდებულება წარმოეშობა ავტორიზაციის მინიჭებიდან ერთი წლის შემდეგ და ვრცელდება ავტორიზაციის ვადის გასვლამდე ერთი წლით ადრე პერიოდზე.
2025 წელს დაწესებულებების მიერ თვითშეფასების ანგარიშის წარმოდგენის ვადად განისაზღვრა 2025 წლის 3 ნოემბრიდან 2025 წლის 26 დეკემბრის ჩათვლით პერიოდი.
ცენტრის მხრიდან დაწესებულებებისთვის პროცესის მხარდაჭერის მიზნებისთვის, შეიქმნა ზემოაღნიშნული ელექტრონული პლატფორმის გამოყენების სახელმძღვანელო.
თვითშეფასების ელექტრონული პლატფორმის გამოყენებასთან დაკავშირებით, ცენტრის მხრიდან უახლოეს პერიოდში ჩაინიშნება ზოგადსაგანმანათლებლო დაწესებულებებთან საინფორმაციო ხასიათის შეხვედრა, რომლის შესახებაც წინასწარ ეცნობებათ დაწესებულებებს.
