განათლების ხარისხის განვითარების ეროვნული ცენტრის ორგანიზებით, ადრეული და სკოლამდელი აღზრდისა და განათლების დაწესებულებების ავტორიზაციის განახლებული საბჭოს წევრების შესაძლებლობების გაძლიერების მიზნით, სამუშაო შეხვედრა გაიმართა.

ტრენინგის მონაწილეებს მიესალმა განათლების ხარისხის განვითარების ეროვნული ცენტრის დირექტორის მოვალეობის შემსრულებელი ლაშა მარგიშვილი, რომელმაც საბჭოს წარმატებული საქმიანობა უსურვა და ადრეული და სკოლამდელი განათლების მიმართულებით საბჭოს პასუხისმგებლობასა და მნიშვნელობაზე ისაუბრა.

შეხვედრის ფარგლებში, ცენტრის ადრეული და სკოლამდელი აღზრდისა და განათლების ხარისხის უზრუნველყოფის სამსახურის წარმომადგენლებმა საბჭოს წევრებთან ერთად განიხილეს საბავშვო ბაღების ავტორიზაციის სტანდარტები და პროცედურები, საბჭოს ფუნქციონირებისა და საქმიანობის მარეგულირებელი ყველა ძირითად დოკუმენტი.

ადრეული და სკოლამდელი აღზრდისა და განათლების დაწესებულებების ავტორიზაციის საბჭოს განახლებული შემადგენლობა დამტკიცდა საქართველოს პრემიერ-მინისტრის 2025 წლის 22 ოქტომბრის N291 ბრძანებით.