განათლების ხარისხის განვითარების ეროვნულმა ცენტრმა Erasmus+ -ის ეროვნული გაძლიერების პროექტის - ,,ციფრული უმაღლესი განათლების ხელშეწყობა საქართველოში (PRODIGE)“ ფარგლებში ტრენინგების მორიგ ციკლში მიიღო მონაწილეობა.

ტრენინგების მიზანს წარმოადგენდა უნივერსიტეტების მიერ ადმინისტრაციულიაკადემიური პროცესის დიგიტალიზაცია. ყურადღება გამახვილდა სტუდენტთა საჭიროებების უკეთ გაგებასა და მათთან კომუნიკაციაზე.

ტრენინგის ფარგლებში მონაწილეებმა სტუდენტთა მოზიდვისა და ჩარიცხვის პროცესებში თანამედროვე ციფრული ტექნოლოგიების გამოყენების შესახებ წარადგინეს ხედვები და პრაქტიკული მაგალითები.

მონაწილეებმა შეხვედრის ფარგლებში ასევე იმსჯელეს ისეთ თემებზე, როგორიცაა

• ონლაინ პლატფორმების დანერგვა, რომლებიც უზრუნველყოფენ მარტივ რეგისტრაციას და მონაცემების ეფექტურ მართვას;
• მონაცემთა ანალიტიკის გამოყენება, რათა უნივერსიტეტებმა უკეთ გაიგონ სტუდენტთა საჭიროებები და ინტერესები;
• ადმინისტრაციული ბარიერების შემცირება და პროცესების გამარტივება, რაც სტუდენტებისთვის უფრო მოქნილ და სწრაფ მომსახურებას უზრუნველყოფს.

PRODIGE-ის პროექტი ორიენტირებულია ციფრული განათლების პოლიტიკის განვითარებასა და ხარისხის უზრუნველყოფის მექანიზმების ჩამოყალიბებაზე, რომლებიც შესაბამისობაში იქნება ერთიან ევროპულ სტანდარტებთან.

დამატებითი ინფორმაცია PRODIGE-ის პროექტის შესახებ, იხილეთ შემდეგ ბმულზე https://shorturl.at/1CBea